[真人真事]那些年錯過的愛情: 小學01
「喂，聽講今年下午班同我地全日制合併，唔知有冇靚女呢」
「一定有啦，我識佢地下午班男仔，佢地都話有」
今日係九月一日，係開學既日子。無錯，我係一個小學既六年級生，性格比較內向，身型又肥又矮。所以我小學呢五年一直都無咩朋友，好多朋友都係有利益關係先同我傾計同玩。不過真正對我好既得兩三個，所以果陣我同佢玩得埋既朋友大多都係真心對我，我先會對佢好。
一返到學校，企係操場等早會集隊，就聽到有幾位同級同學討論緊今年下午班有無靚女。由於今年學校全日制同下午班合併，由本身四班加多一班下午班畢業。所以我地全日制既男仔都好期待今年下午班有咩靚女出現。我就企係操場一邊，聽住佢地你一言我一語，自己都好奇起黎。由於我生得矮，於是我就企定係班級隊伍最後面，好讓我一陣觀察到佢地口中所講靚女。
「請各位同學到自己班級隊伍前集隊」
早會台上既老師宣佈，代表仲有五分鍾就正式集隊。但我眼望操場最側邊排隊既下午班，數黎數去都只有十幾人，而且更無岩岩同學講既靚女。望住個幾十人，完全唔似一班正常班級既人數，我既心情即刻失望起黎，望返早會台上，心諗「唉，睇黎今年都係無靚女架啦」。
「喂，行快Ｄ啦，就黎遲到啦」 突然一把聲音係身後傳過，我一望後面，幾十秒前失望既心情立刻一掃而空。
我一望後面，見到十幾個人係後面行去操場最側邊既隊伍。呢堆人行前面有幾個女仔，佢地樣貌比同年級既女仔出眾好多，髮型同身型成個中學生咁，完全唔似一個小學雞。後面既一堆男仔都跟住呢幾個女仔一齊行入黎，佢地身型高大，樣貌都比同年級既男仔成熟好多。呢堆男女簡直完勝全日制既男神女神，我第一眼見到都以為佢地係中學生黎。
「喂，下午班真係好多靚女啊」 同班同學見到岩岩幾個女仔之後就一直讚不絕口。雖然我感覺同佢地一樣，覺得果幾個女仔好靚女，想認識佢地。但我自問又矮又肥，又唔夠膽同人講野。最後都係打消念頭，望返台上老師宣佈算。
到左小息，我自己一個坐係籃球場側邊既長櫈等一陣間上堂。正當我發白日夢之際，身後突然有人拍我膊頭...
「喂，啊傑。自己坐係到咁悶啊？」
我望去後面，原來拍我膊頭既啊君。啊君佢個人好高，個人肥肥地，臉上帶住一副黑框眼鏡，係小學時候已經高過我好多。啊君係由我三年級認識到依家既女性朋友，我同啊君係三年級一次興趣班認識，由於大家有共同興趣，認識左好耐而且傾得埋，所以我對住佢講野唔會好似對第二個咁細膽。我地好快就成為左好朋友，直到依家。
我：「係啊，自己坐係到舒服啲。」
啊君：「今年多左咁多靚女，做咩唔去識人啊？」
我：「我點識人啊，我又細膽又唔識講野，樣又冇。」
啊君：「咁又唔好咁講，我同啲女仔都好熟架，得閒介紹比你啦。」
啊君講完呢句就笑笑口走左，我都無期望佢講既野係真。
直到過左兩個星期，我先相信啊君對我講既說話...
我望去後面，原來拍我膊頭既啊君。啊君佢個人好高，個人肥肥地，臉上帶住一副黑框眼鏡，係小學時候已經高過我好多。啊君係由我三年級認識到依家既女性朋友，我同啊君係三年級一次興趣班認識，由於大家有共同興趣，認識左好耐而且傾得埋，所以我對住佢講野唔會好似對第二個咁細膽。我地好快就成為左好朋友，直到依家。
我：「係啊，自己坐係到舒服啲。」
啊君：「今年多左咁多靚女，做咩唔去識人啊？」
我：「我點識人啊，我又細膽又唔識講野，樣又冇。」
啊君：「咁又唔好咁講，我同啲女仔都好熟架，得閒介紹比你啦。」
啊君講完呢句就笑笑口走左，我都無期望佢講既野係真。
直到過左兩個星期，我先相信啊君對我講既說話...