一個月前,係MTR識咗個番邦女子: 2
佢就真係爆鳥..
而當時佢句粗口從心底距離由口而發祇有零點零一秒，但係四百分之一柱香之後，句粗口嘅主人將會徹底咁原諒我，庝惜我。
因為我決定講一個大話，雖然本人生平講大話無數，但係依一個，我認為喺講得最完美。
老闆：屌你老母個臭…
我眼中帶紅，用周星星既語氣打斷咗佢既說話：
你係應該鬧我既，我亦應該比人吊老母，我好不孝。
曾經有一份至荀嘅工作擺喺我面前，我冇珍惜，當冇佐嘅時候先至後悔莫及，塵世間最痛苦莫過於此。
我唔應該有同情心，個個人有大陸口音咖嘛，我應該有警惕..佢問我借電話，我應該是拒絕的。可惜我始終都係比測隱之心影響咗，一如所料..佢加埋幾個同黨偷咗我部Galaxy..
你手上封解僱信交比我啦，唔需要猶豫咖喇...
如果嗰天可以俾個機會我返轉頭嘅話，我會同嗰蝗虫講三個字“我屌你”。如果喺都要喺依份仇恨加上一個期限，我希望喺一萬年！
唔明個意境既朋友!!去片啦!: http://www.youtube.com/watch?v=Ehk2Tvo7JgE&feature=related
講完之後，老闆個樣似乎比我感動咗.
「星矢，原來你比人偷咗電話..所以confirm唔到去見個客人..」
我低頭扮啜泣:「係我既錯..工作時間我唔應該幫人..係我大意。」
老闆拍一拍我，輕撫我: 「唔係你既錯，依個年頭仲有後生仔咁有心..好難得..你今日放半日假..買返部電話先啦..知道嘛」
我即時黎多一次招牌笑容，既輕鬆又純真的笑容。之後步出公司。
而當我回到家之際..
Galaxy提醒我..
“Bella accepted your friend request!” Fuck Yea!!
我用我既二十八吋電腦開啟Facebook，左手click電腦 ，右手摸細佬 ..按到Bella的facebook介面..
我咩都冇諗，直接click入photo..
個一下既衝擊..我到依一刻都記得..
就好似幾十粒原子彈一齊係我體內爆發一樣咁蕩氣迴腸。
核福射令到我細佬發生異變..就好似依一句歌詞一樣..
好，去歌
http://www.youtube.com/watch?v=RNgbtKc0iOc#t=56s
「冷靜啊星矢!!!」我不斷同自己講..如果唔係我既億萬子弟兵已經破繭而去!
之後我即使睇返佢既info..終於謎底解開...當日我聽唔明既@#!$#$#原來係Ukraine (烏克蘭)..難怪佢啲英文都幾惡聽..原來大家母語都唔係英文..
而佢冇顯示佢既狀況，睇佢啲相，佢偶然都會去Party..咁自然好多朋友既合照..一時之間我都唔肯定佢有冇男朋友..不過今次兄弟同心。我都唔理咁多了!!
好快我就INBOX咗佢一句: 「So happy to see you in here,haha. back to hotel??」
Bella五分鐘之後覆我: 「Not yet，just ready to go back.」
其實鬼妹都係人..如果我狗衝咁覆佢恐怕不是好事，所以我忍到10分鐘之後先覆佢.
我: 「What is your planning tmr. haha. Already full schedule? 」
Bella今次15分鐘先覆我..我心諗今次真係棋逢敵手..
Bella: 「No idea at this moment,ha.」
我一見到這個inbox…就知道機會來了...no idea..即係想人比意見..個個人，可以係我..at this moment..代表依一刻冇,,隨時下一秒就有..隱喻就係 「你要約我就快手啦!!」 (之後我同過幾個朋友share,佢地一致裁定我諗多左..)
我沒有被勝利的感覺所沖昏頭腦...
反而慢慢走向書櫃，它早已佈滿灰塵，像對我說:「想起我了嗎?」
「出黎啦!!!牛津英漢大辭典!!」我好似小智咁嗌咗出黎!!
之後連小學用既快譯通，手機字典，yahoo字典，翻譯網站等等已經係我前面..
千千靜聽入面既廣東歌一律delete，換返曬英文歌。形做一個全英語既環境之後，
我上網瘋狂搜尋唔同既句子範例..
依一鋪..我擺到明「曬你冷」!!!!
鍵盤都彷彿沉重起來...
就連平時比我禁到爛曬既F5制都為我打氣!!
我亦都冇令烏克蘭索女Bella失望。
16分鐘之後，我已經度咗一句對白去約Bella!
「Do you feel interested in Chinese Cuisine and cocktail?」
此句奧妙之處在於「約佢」既MSG已經好明顯，但字裡行間我又的確冇約佢。
一般人見到依句都會諗，「佢想約我食中餐飲酒喎。」
咁佢之後只有兩個選擇，就係 「haha，it is good. You are free tmr?」
或者好決絕咁say no... 而say no 既場面真係好尷尬。分分鐘Friend都冇得做。
不過我睇返我個句，絕對進可攻，退可守..
佢答「haha，it is good. You are free tmr?」的話，佢就自投羅網，變左佢約我多過我約佢。
即使Say No..如果係唔鐘意食Chinese Cuisine既，我仲可以變陣問返佢鐘意食咩。
又儘管佢ON9到話唔會咁快同陌生人出街既..我都可以串返佢「sorry..我諗你誤會左..我見你同朋友黎..我自己又係香港長大..睇下駛唔駛介紹啲餐廳比你同朋友而已..」
所以話，文字遊戲，係一門高深既藝術!
未幾，Bella回覆了!!
緊張緊張緊張!!刺激刺激刺激!! (請自行幻想成大儒俠史豔文既聲音)
Bella睇黎都係高手中既高手。
佢繞過左我既思路，黎個三連髮夾彎!!
Bella:「Which one is good in Hong Kong?」(佢將個問題抽左出黎，令曖昧問題清晰，等於同你講，你要推介就推介，約我就約我。分開兩件事。)
我:「If you mean Cocktail, Lan Kwai Fong is one of the choices.」(好，我就係唔約你住。)
Bella:「Where is Lan Kwai Fong.」
我: 「Oh, you never go there? It is the famous location in Hong Kong. It is full of bar and clubbing.」
Bella:「It seems so hot. I just check it in map. Near Central?」
我: 「Yes, but LKF is so complicated..it is hard to go.」(快啲叫我帶你去啦!!)
Bella: 「Haha, do you thank I need the guide?」
(黎啦黎啦，我知道依一下已經係Bella最後既讓步...老納要插啦!!!)
我: 「Your guide is here. Haha, I am good on it.」
去到這個地步，我開咗支12年既百事，作為成功之後既美酒
因為我心知，已經十拿九穩，Bella係唔會say no的。
果然，Bella回覆了
「Haha, then you need to plan the schedule for it.」
攪掂!!大家有冇發覺成段對話，我同Bella都冇好明確咁話要約你呀，可唔可以出黎見下面這類老土既情節..
我們是透過閒談，慢慢誘導一個事件，然後從討論中漸漸將事實定格。係氧氣轉化為二氧化碳的時間之下，我地已經好舒服咁擬定左一個約會。
我認為，追女應當如此!!
正所謂 快刀斬亂麻，鬼妹要埋牙!!
我好快就拎埋Bella電話，約實咗地點，最後我地決定唔一齊晚飯，只係after dinner去LKF飲杯野..
因為我都擔心我同佢既話題唔夠捱咁耐..始終大家既英文都係limited company...
同埋飲酒個part先係精髓所在，晚飯這些頭盤可以不理。
當然我其時只是抱住識一個外國朋友咁去諗件事..我真係好純情..
仲好誠實..誠實之中仲略帶點笨柒...
總之個晚我真係顛到諗曬對白，寫係本簿到..
例如係唔同topic呀，基本應對呀。我呀媽仲問我:「呀仔，你聽日去做英文drama??」
我好稀虛咁答佢:「男女感情既野，你唔明架啦。」
如果當年A-LEVEL我肯咁樣去準備個ORAL..我一定唔會抄..
我肯用咁既心力去學英文..我依家應該唔洗打中文..
真係 英文不努力..溝女最傷悲。
依鑊我真係痛定思痛..
同埋，我發現我老闆都幾有趣..當第日我返工既時候，由於我成個人既心思都去曬Bella到，已經唔記得同佢講過咩大話...我係佢面前將部Galaxy 掩掩樣樣超過十次，佢都好似冇咩反應..
一係佢就以為我昨天即日出多部Galaxy，再極速充電之下急不及待今日就要用..
一係就佢以為我係Galaxy fans..屋企又幾部back up係到.
一係佢係低能既..
答案係咩，任各諸君自評之..
而這晚終於來臨..
是夜很冷..
這是我與Bella的第二次見面..應該話係第一次正式見面..
我地約左係中環既地鐵站等...
那時我想..如果我同Bella真係譜出一段戀曲..地鐵站就係月老..
約會在11點..我10點9已經到達，我選擇了一件樽領衫，配上黑色，帶有日系設計的西裝褸..下身是全Prada的裝備..一件簡配的黑色褲和一對休閒的高筒Prada。
很穩陣!!
大約11點3，，女主角Bella現身...佢穿上一件簡單上衣，披著薄褸..下身一條貼身短裙，仲有..黑絲...更加上紅色高跟..
幾樣野加埋，真係富士山都會爆發，美國都會陸沉，梁振英都會做特首，D&G都會比影相..
當然，內心既撼動並沒有影響我既Chok樣。個一晚我好有自信，林風都差我幾條街!!!差我幾條阿皆老街!!!
我:「glad to see you again.」
Bella: 「haha,me too..」
我: 「ok! Let’s go~」
係依個時候，我諗..如果同Bella結婚之後既生活應該係點呢..又有一句歌詞可以解答大家
去歌!! http://www.youtube.com/watch?v=95VjAFtJpIM#t=1m2s