一個月前,係MTR識咗個番邦女子: 1
依件事..都發生左一個月... 唉...
是咁的…首先講下小弟既境況。
小弟行年廿幾，家境尚可，屬於買唔起跑車同時餓我唔死，
唔會用二百蚊買蛋撻，但亦知道十九幾碗糖水是需要四百蚊的星斗市民。
大學畢業後立即工作，至今接近一年。工作都是營營役役，需要面對不同客人，所以四處見客彷彿是我的生活指標。
這一天的事發生在尖沙咀的地鐵月台..
你都明白，著住西裝拎住公事包扮成功人事係好攰的。
而地鐵又未到，同時月台又有個櫈位。咁同林峰拎亞太一樣，好順理成章，正常人當然係坐啦。
而人係好仆街既，坐就想訓。
你可以幻想，我就咁烏低個頭諗住同周公捉返場棋。
就係依個咁決定性既時候，係我耳邊居然出現一句Sorry.
我心諗唔係讓座咁老士下話，今日真係大肚婆都冇面比!!
但係我諗深一層，句Sorry有點特別。絕不是港女口音..更不可能是蝗虫..
我當頭捧喝，立時抬起我低過的頭來…
講Sorry 既竟然係一個番邦靚女，仲係dup一聲個隻。 我個下完全明白人類係可以隊穿牆的。可能我打出黎好生鬼咁,但堅係真人真事..
而件事,亦由此而起…
講下個外藉女子，佢16X高…金長髮，佢咩住一個backpack.. 手持一個M記外賣..
著住件小背心…一條黑色長褲.. 可能地鐵好熱,又或者佢唔識凍..
各位睇梗既朋友，我明白這不是重點..
重點係佢應該有34C….仲要有腰有籮…唔講我差啲以為自己入左AV片場
係一個香港地鐵站入面, 比一個鬼妹搭訕...
依種場面既罕見程度簡直拍得住利記拎英超..
(以下係我同鬼妹的對話,我盡量變返中文)
"sorry..." 鬼妹
我: "yes"
鬼妹: "um..我想去羅湖..我想問下點去?" (佢手指住地圖)
咁心水清既朋友都應該好清楚..我地當時身處尖沙咀既地鐵月台內,,而我等梗地鐵就証明大家都入咗閘..
正常你係尖沙咀入咗閘去羅湖的話都係去九龍塘轉火車..
不過以過來人身份同大家分享下..當你係五分鐘內由一個等去見客既可憐虫,,搖身一變成為有鬼妹同行既小淫虫.
你既思想會變得異常混亂.多半都會超越逆向思維...到達反逆向思維.
即係直線諗野...
個陣時只有五秒鐘思考時間。時間好緊逼，望住佢期待既眼神。我已經冇諗plan A, plan B, plan C, plan D.
心中呼喊出: “要到羅湖!!只有去尖東!!”
我當時已經醒曬,同佢講
我“去羅湖好複雜架,你要去返尖東去紅磡，再到總站。”
鬼妹“咁我上返去上面先?”
我“係啊!”
當我見到佢食住薯條，一頭霧水，雙腳欲動又止，無助眼神遊離於我閃爍瞳孔既時候。
你就明白點解有強奸依條法例，因為真係會有強奸犯。
睇見一個洋妞咀嚼薯條，咬咬唇個下真係陳法拉都救我唔到。
我即時講: "um..may be I can help u,,follow me,miss~"
這時我心中說了一句: "may be I can Fxxk u also.."
佢點點頭，微笑一下，依舊食梗薯條..
好啦，之後我地一齊由扶手電梯上返上層..
最有型既係..原來係尖沙咀月台過返去返尖東火車站係要出閘既..佢個樣即刻好迷網 .. 其實我仲迷網過佢… (係..連我自己都唔記得會咁)
佢心諗岩岩入咗閘又出
佢個樣好似比人賣豬仔咁..
咁我當然故作鎮定，拋下一句: “Yes, Hong Kong MTR is so Funny, hahaha”
我諗返都唔知自己講咩九..
而大家都知…由尖沙咀去尖東條路係好長的，周圍都係四面牆..
加上剛才一役令她對我有了介心....我又冇理由爆一句 “The wall is so white!!”咁有格調架....
我行前佢行後..大家好似冇野講咁…成件事變到好似誘拐一樣..
個下委屈我真係想喊…
Anyway..我還是決定走出死亡空氣的區域!!
係我流連老蘭超過五年既經驗，有一句開場白簡單直接,,效果顯著..
而蘭桂芳同地鐵站一樣係三個字的地方，理應通用,.
我個時心諗: “點都搏一搏啦..正所謂 搏一搏，單車變摩托!!!”
係行行下既時候，我好似人地踢十二碼咁黎個窒步，之後180度擰轉個頭 (我知我誇張咗) ,,
講左句: "what is your name?"
拿!!依句野就奧妙啦! 無論佢答咩,甚至唔答,都可以伸延到不同topic
你鐘意扮話有朋友同佢同名又好，個名好聽又好，隨意發揮啦。
咁佢好冷靜咁答我: “Maribella” (以下會簡稱bella)
真係冇多冇少…我問佢叫咩名就真係就咁彈個名比我..
我心諗加多句 “how about you”我都冇咁難堪呀…
我當時心中一路屌，個嘴一路笑，個口一路講: “Haha, it is so nice, I am 星矢” (是但啦,我都係比個化名自己only..)
Bella: “nice to meet you，星矢”
我: “me,too. Where do you come from?”
Bella: “@#!$#$#”
大家唔好誤會我要隱藏佢既國籍..係個個毛文..我真係聽唔明佢講咩..我聽到係一個word…但係我真係聽唔出係邊個國家!!
星矢第一個危機來臨了!!!
如果我話比Bella知我唔識此英文的話..菁英份子的印象立時無存..
轉個頭..扮曬野聽唔清楚仲危險。
因為如果聽多次都係唔識..真係藤原拓海都兜唔返..柒到一地都係!!
金翅仆街鳥!!
真係得一秒時間思考，我馬上又要回話
時間無多，我即刻燃燒我既小宇宙!!!黎個魯芬急轉彎!!
我決定亂吹加轉移話題!!
我: “It is the nice place! Did you go Hong Kong in the past time??”
Bella: “Yes, I went here in the past, around one year ago~”
所以話，話閘子既野同女人個兩條腿一樣，擘開咗就唔會合得返!!仲會愈來愈深入!!(我指啲話題..)
閒聊咗成段路，雖然我唔知佢咩國籍，但係知道佢同朋友黎香港一個月，當體驗生活，咁佢成日同朋友分開行動，今日佢就想自己一個去羅湖，因為佢啲朋友話好有特色。
都係既，話曬蝗虫地方，個種屎味濃郁既文化啲鬼妹梗覺得新奇…
我就係咁提佢要小心，同佢講個邊既人冇咩法律意識同好selfish!! Selfish Generation!!!
而依段路，我地由一前一後，變到平排行..
佢個陣體香真係好攞命..我係咁望住佢講野..順便鑒賞下佢既34C..
我個時好慶幸..我條西褲改闊咗…唔係聽日一定上頭條A1
「色狼青年地鐵站扯爆西褲」
仲比啲記者影曬相back up..比高登起底...
諗起都汁返身彩...
講下諗下..就到咗尖東站啦..
又係咁決定性既時刻，我既Galaxy S2響起!!!
係個客打比我..沉迷係幻想世界入面，我都差啲唔記得自己係返梗工!!
我個時諗，個客重要定Bella重要??身為一個經過十幾年香港教育既精英，我清楚明白眼前只是一段霧水桃花，既虛幻又失真。我應該立即與Bella道別，會合客人，繼續工作。
係!!本身係咁諗既，但當我拎起電話既時候，我隻眼無意掃到Bella 既纖腰同胸脯..
我立時被細佬控制大腦..我選擇了不接聽來電…
由於剛才我的表情有點驚訝，神色有異..
Bella都不禁問我一句: 「星矢，You have sth urgent??」
我: 「haha, dun worry, you are the most urgent one at this moment.」
Bella立即失笑: 「Funny guy, dun kidding, haha」
我真係好感謝我既英文老師一直以黎都“邊”策我。我到個一刻先發覺咩叫學以致用。咁多年既修為無白費到!!!
之後既每一步..可以用「一步一傷心」黎形容!
因為說話雖多..但Bella好似冇咩意向同我keep一個long term relationship..
而出於「亞洲人溝鬼妹係好難的」依個牛津第19定律 ..我都唔敢主動問,,
其實小弟既情愛經驗都唔小..只不過係索爆鬼妹底下..我依然只有毒男的份兒..
終於去到售票機..
我好紳士咁幫佢拎住個M記外賣..(好奇怪..佢一路行一路食..食到尖東啲薯條都仲有半盒..我已經將佢列為「尖沙咀七不思議事件」之一..)
眼前Bella差咁一個兩元硬幣..不斷咁摷…
我心諗: 「我都好想摷呀...」
眼前佢摷得咁辛苦，我又點忍心呢。
係佢低頭搵緊既時候，我既左手已經悄悄地在她秀髮旁邊穿過…
兩元墜入售票機的聲音令Bella回頭一看..
個一刻，我地貼得好近..我知道我既心跳已經突破咗一分鐘一百七十下..
到達爆血管既臨界點..
同時我細佬亦都順利突破自己，變成超級撒雅人..
Bella好甜咁笑了一下:「Thank You, 星矢。」
雖然Bella想比返個兩蚊我 (佢唔似啲港女，兩毫子都呃到盡!)
咁我當然拒絕啦!!
Bella亦都好聰明，接受左我既好意，同時打趣留下一句:「May be I never pay you back」
其實依啲句子真係比梗位你入，可惜個時我既小宇宙已經燃燒殆盡..我竟然答佢：「It is ok,haha, welcome to Hong Kong.」諗返句welcome to Hong Kong 真係柒到核爆..仲等於同佢講byebye咁..
Bella亦都揮了手..身影開始轉動..緩緩說: 「Thank you星矢, bye bye, nice to meet you.」
由胸部..變做背部..(我既視線範疇)..
我知道Bella要走啦..佢一入閘..意味住，可能一世都唔會見到佢..佢唔留低任何實質既野...即使他日要諗住佢打飛機都只可以靠記憶..哇!!屌!!件事幾唔真實!!幾遺憾,,,
我決定，至少要用手機影低佢背影..
就係拎起手機既剎那間，我既腦海出現咗我既中史老師，李SIR。
「當年洋鬼子打我地中國，依家有個為國家報仇雪恨，一雪前恥既機會，你就咁放棄???啲鬼佬夠膽燒圓明苑，你唔夠膽溝鬼妹!!!吓??」李SIR係我內心起勢咁屌我..
同時我諗..我為咗佢份工都唔理...回報就係一句Thank you加一張背面相..
之後學糖兄咁劣下細佬就算...??
眼見Bella 係我眼中既體績愈來愈細小，我知道，機會只此一次!!
如果星矢係一隻打唔死既小強!!!咁Bella就係雅典娜..
「吀」一聲!!我即刻爆seed!!
好大聲咁講: 「Bella, May be. May be.. you can pay me back,,you can.」
個一刻..心跳好似停咗咁..我好驚Bella聽唔到..甚至係漠視…
而事實上..Bella冇再行前一步…黎個默然回首,,,同我四目交投..
依一野..只有一段音樂可以配合如此意境…亦係當時我心中響起的歌..
好…大家!!!去歌!!!
四目交投之後，勇氣立即返曬黎!!
我見Bella已經笑曬咁
我亦不慌不忘咁配襯返個招牌笑容，既輕鬆又純真的笑容。
笑容要輕鬆是一個學問，有人學上一輩子，依舊笑得猥瑣。
各位觀眾，頭盤上場啦..我同Bella一人一步，加上「霞夏蝦吓下」既配合。
我好似置身教堂一樣。
而問題就黎啦，我應該問Bella拎啲咩去keep in touch呢?
電話? 我相信用英文溝通既電話可免即免..而且她早晚不在香港..
Msn? 好係好…不過我自己都有1年冇on過line…
Email?你真係燒壞咗個腦，用email溝女咁formal都比你諗到…
Xange?Icq?Yahoo Msger??
此時此刻，我要多謝一個人，Mark Zuckerberg。佢創立咗一個恐怖既社交公台，非士卜…
照統計，一個20-30歲既人平均擁有2.314256個非士卜acc。咁意味住我唔需要擔心Bella冇acc，只係擔心Bella比邊個acc我。
第二，Facebook (打返英文，中文好L煩…)係有status可以睇的，單身喪偶一目了然。
第三，可能之後都真係冇機會見，但Facebook Bella至少有張Profile Pic…咁細佬以後就有福了..
第四，係佢既wall到，我可以研究到佢鍾意咩，例如歌種等等。
第五，用inbox msg黎溝通免除左要「立即回覆」既壓力，我可以一路查字典一路答
第六，大家都知我用梗Galaxy S2...上Facebook,,簡直係2秒內既事..我可以即場add Bella Facebook，防止走數...
大家應該都試過，飲酒識完啲女講到天花龍鳳，又話聽日sd msg比你，聽日比facebook，聽日send返相比你，聽日出黎陪你，聽日同你去爆房，等等咩柒都一樣。過咗聽日就大家當冇事發生架啦。香港人都係隨口嗡既專家..
所以話，小宇宙真係好重要，以上咁多個point係「霞夏蝦吓下」咗三秒之後我都已經分析好...如果我返工都咁堅..我應該已經坐咗入房了。
我: 「Could you mind to share your facebook to me??haha」
Bella: 「Haha，Sure...」
我立時用手機衝上facebook : 「Haha。 I am ready! I can add you now」
之後Bella用email search佢既Acc...我一見到張相就知道今晚將會好唔得閒..
我舉起我雙手，心諗: 「左右手..睇黎今晚要3P先掂...」
正所謂，打蛇隨棍上!!
我: 「Thanks~ If we have free time in these few days, we can go to dinner or have the drink. Haha, because Mcdonald is not the good choice.」
我指住佢啲薯條搖頭，表示我可以做導遊帶佢食好野。
Bella見我揶揄佢黎香港都食M記，失笑咁講: 「Hahaha，Ok. Let us discuss it on facebook.」
之後我地互相揮手，Bella終於都入咗閘..而我既小弟亦終於平靜落黎..
突然之間..褲袋又震..我拎起電話..
係我較左震機之後..「有四個未接來電」
分別係 client ->client ->boss ->client...
香港人很悲哀..連溝女都要擔心工作的事。
奈何工作還是要“鄺天如us”..
經過一年既職場歷練，我知點做..
首先，我關掉了電話。然後放了客人的飛機,,直接回公司..
很大膽吧。就等同星矢偷偷地著黃金聖衣一樣是可怒也的..
當我踏進公司的一刻..所有同事，包括一輝，紫龍，星河等都顯得十分吃驚，看似在替我憂心..
果然，我的老闆從他的大房中除除步出，好不威風。
從佢既臉容扭曲..口中若有風聲，欲動難靜..我就知道，依首歌一定岩佢..
去歌..