在夢境與少女相遇後有壞人殺死了我: 第09章 (29)

「紅毛？咩人黎？」我問，腦海中毫無頭緒。
 
在瓦礫中找尋小紅帽的身體，我還有話要問。
 
我不准你死，你要把話說完才可以死。
 
「小紅帽！」我呼喊。
 
「踢——」走前一步，踢到小石頭。小石頭彈滾到前方，撞到了什麼東西而停下。
 


再走一步，不遠處有身體，重傷地攤在碎礫之上。
 
小紅帽還沒死，他胸口還有呼吸，正在一脹一收。
 
「喂，你同我起身……」我走近過去，卻在中途停下。
 
因為，黑色火焰重新燃起，他身邊的石礫都被燒著了。
 
骷髏頭紋身完成了某種變化，在血肉模糊中睜開了眼睛，控制著小紅帽的身體。
 


小紅帽半癱瘓地站起，左臂左身等多處重傷，只是軟軟地站立著。
 
然而他的骷髏頭紋身仍是不痛不癢。
 
反而，狂笑。
 
不，那長滿了腐肉和黑血的紋身圖案，已經不能算是骷髏頭紋身。
 
——已經是魔鬼紋身。
 


我看著自己的左臂，來族的力量少了一截，大概是因為剛才攻擊得太盡的緣故。
 
「紅毛，係邊個？佢依加係邊？」我保持冷靜地問，額汗一滴滑下，右手食指在準備風束炮。
 
「程強。哧——」他咧嘴而笑，張開眼睛，是一種恐怖的眼神。
 
一種陰森的悸栗感懾入，使人心底發毛，抖震了我的右手，使食指吸引靈氣變得不穩定。
 
這是身體對我發出的危險警告。
 
「答我！」我警告他說，提起右手食指瞄準。
 
但如同行屍走肉的他，我不肯定他是否存在理智，去回答我的問題。
 
「我就係……紅毛。」他獰笑著，右手焚起團團黑焰。


 
重傷的左臂無力地垂下，慢慢彎腰，把左手垂得近乎貼地。
 
突然，消失——
 
他從原來的位置俯衝過來，右手往右一掃，數團黑焰掉落地上而成黑色骷髏戰士。
 
繼而往左一拋，黑焰飛濺，左方又多了數名黑色骷髏炸彈兵。
 
「躂、躂、躂、躂……」八個黑焰身影，包括小紅帽也在高速接近。
 
「受死啦程強。」小紅帽狠狠地說，俯衝中，右手黑焰要往我的臉上塞去。
 
「風阻。」我沉靜應對，發動胸前的「牆壁紋身」，身前十米出現極強風阻，全部衝入者被強風阻住。
 


「阻呼呼呼呼呼呼呼呼呼——」八個身影，撞入風牆，前進不得。
 
小紅帽辛苦地提起右手，卻無法把黑焰塞過來。
 
「如果我頭先冇聽錯……你話……你係紅毛？」我問，中指與姆指一啪。
 
風阻力度加大，大到只要他們稍一不慎，就會被驅逐出去。
 
「爆炸。」小紅帽嘴巴一動，黑焰骷髏炸彈兵，立即自爆。
 
「轟、轟、轟、轟——」火焰猛然擴散。
 
我環起雙手，靜觀一切。
 
只是，遺憾地，沒有傷我分毫，火焰甚至沒有越過風牆一分。


 
反而，炸亂了小紅帽的頭髮，以致我看到一些意外的發現。
 
 
「你啲頭髮，係假既？」我問。
 
似乎，只是一頂紅色假髮帽，裡面是其他顏色的頭髮。
 
「哈哈，哈哈哈哈……」小紅帽狂笑，臉上的魔鬼紋身要說話，帶動臉部肌肉發聲，發出——
 
另一男人的聲音：「哩個人，只係我既小徒弟。」
 
「紅毛？」我凝重地問。
 
「正是。」魔鬼紋身說。


 
「程強，可能你已經唔記得我，我係十年前你係火精靈大賽上面既決賽對手——紅毛。」
 
「所以？」我問。
 
「當日輸左比你，輸左比區區一個風精靈之後，我受到前所未有既屈辱，被全體火精靈唾棄。」魔鬼紋身仇視著我說。
 
「後來我逃走左出黎，去左好多地方，包括『魔鬼界』，哈哈……哈哈哈哈，依加終於獲得前所未有既力量。」他自傲地說。
 
「依加，你估下我係邊？」他得逞地問。
 
「你係邊？你唔係係小紅帽身上咩？」我慌了。
 
「錯、錯、錯。」他說，「我既真身，係一座天空島上面。」
 
「我下面，有一間起係山頂既『古雅小屋』。」他輕輕描述，「裡面似乎有唔少你既熟人，仲有你老婆係度。」
 
「可惡，你……你想點啊？」我問。
 
「冇野既，咁啱我身上又有幾粒紋身藥水炸彈。」他笑意地說，小紅帽右手在拋接拋接，模擬有炸彈在手。
 
「唔好亂黎啊！」我大叫。
 
「係咪好想即刻返黎，打柒我呢？」他挑釁地問，又得意地說，「但唔好意思，我個小徒弟會全力阻止你離開。」
 
「你如果唔先KO佢，就私自走左去既話，佢會殺晒哩層全部人。」
 
「所以，哩到全部人都係人質。」他還未說完。
 
我把食指塞進他的口中，放出最強風系重炮絕技，「風束炮。」
 
「啵啵啵啵啵啵啵啵——轟。」