在夢境與少女相遇後有壞人殺死了我: 第09章 (14)

 
想著，我覺得有點問題。
 
「咪住先，你話驚離開房間會比人發現，會有危險。」我想起他的話。
 
「咁你跟我去其他層，都唔會比人發現格。」我說，再邀請，「所以，同我一齊去啦。」
 
「我……唔可以去其他層。」日來晴吞吐地說。
 
「點解唔可以去？」我追問。


 
「因為……」他視線回避，羽扇快速撥撥。
 
「日來晴！」 我要他正視我。
 
「我係從第一層偷走出黎。」他慘然地說，「第一層既人好厲害，全部都識穿界，而且感應力好強。」
 
「如果我穿界，會被第一層既人發現。」
 
「我好難先搵到一個安定既居所，建立到自己既族人。」他為難地說，「我唔能夠……隨便離開。」


 
 
「第一層，第五層，同我依加身處既第四層有咩唔同？」我問。
 
其實，我滿腦子都是疑問，想他快點解答。
 
 
「第一層，係天界。」他說。
 
「本來係第七層人類既我，死左之後，經審判而獲准轉生成為天界居民。」他陳述身世，又怕我不明白，「即係『天使』。」


 
我望著披白袍，穿白衣，拿羽扇，氣質不凡的他。
 
理解著，第七層是人類，第一層是天使。
 
「厲害，你生前肯定係一位好人！」我說。
 
「我冇晒生前既記憶，只係知道生前係一位管家。」他說，「但哩啲都唔重要，總之我做左天使一段時間，天界就發生內戰。」
 
「就好似人類之間、火風水土精靈之間會爆發戰爭咁，天使之間都會有紛爭。」
 
「哩個時候，同樣識得穿界既第二層居民，魔鬼，睇準時機想攻佔第一層。」
 
「結果魔鬼成功左，天界淪陷。」
 


「我係千鈞一髮之際，去神殿偷走控制時間既『神之時間聖物』，將自己轉移返去天界被攻陷之前，先一步帶班同伴，去魔界刺殺魔鬼將軍。」
 
「最後，同伴全滅……」
 
「我一個人取下魔鬼將軍既首級，阻止左天界既一場災難。」
 
「但係，由於停留係魔界太耐，我既身體、同伴既靈魂，都已經被魔氣感染。」
 
「天使既靈魂，雖然可以再生成身體，但佢地同我，因為身上帶住魔族既邪氣，所以比天界驅逐，墮落成墮天使。」
 
「我帶住佢地既靈魂，好辛苦咁黎到第四層，將佢地重新培育成人。」
 
「亦即係依加既日來族人，同受魔氣感染既夜來族人。」
 
「事到如今，我唔知天界班天使，有冇發現神殿少左件野，但係……如果佢地發現左，又搵緊我，我真係唔適宜四圍去。」


 
「Sorry……陪唔到你去。」日來晴解釋完，嘆一口氣。
 
「So sad.」我說，替他感到可悲。
 
「唔怪得之，頭先日來安背後冇精靈翅膀，原來佢根本唔係精靈。」我再說。
 
「我地有既，係翼，羽毛翼。」日來晴遞起羽扇，讓我看著羽毛，「而唔係翅膀。所以唔可以隨便露出黎。」
 
「之所以能夠壓制住你老婆身上既邪氣，都係因為我地既天使力量。」他說，「當然啦，重生既族人，都唔知自己以前係天使，所以……唔好講出去。」
 
他從「來」字紋身取出一壺熱茶，倒在杯中，「淙淙……」
 
「關於去第五層。」他說，放下羽扇，喝一口荼，回復優雅和淡定，「我冇話叫你自己一個人去。」
 


「吓？」我沒想到，有點期待。
 
「已經有人決定要去第五層，你就同埋佢一齊去啦。」他說，再拿出一個荼杯蓋，蓋在杯上。
 
「咩人黎？來族既人？」我問。
 
「唔係，佢係一位藥水收藏家。」日來晴微笑，重新拾起羽扇，「鐘意四圍收集珍貴藥水，同埋送藥水比人既怪人。」
 
「唔通……」我想起一個人，但沒有理由是他。
 
「你已經諗到？佢話識你，仲送過藥水比你架喎。」日來晴亮起雙眼再說。
 
「你指既，莫非係……風精靈軍資深教官，」我訝異，「春郎 ‧ 不覺曉？」
 
「冇錯，佢已經退役，開始想去世界各地旅行，收集奇怪藥水。」


 
「佢依加係邊？」我雀躍地問。
 
因為他給我的救命治療藥水，令藍藍能夠第一時間得到治療，所以他算是我的恩人。
 
加上以前也受過他的照顧，我一直想找機會向他道謝。
 
「琴日佢黎到，我借左間屋比佢住，依加應該係池塘釣緊魚。」日來晴猜測。
 
「佢準備今晚出發，去第五層收集罕見既藥水。如果你要去，可以同佢一齊。」他說，又建議，「或者，你去見下佢先？」
 
「好，我探完藍藍之後，你搵人帶我去啦。」我同意，起身準備離開。
 
「咪……咪咪住！」我又停下，眼神鎖向他，「你話，你偷左可以控制時間既聖物？」