在夢境與少女相遇後有壞人殺死了我: 第07章 (69)

接下來，船頭左轉，左轉，銀達尼號正在左轉，但轉得太慢。
 
在我們看來只是微微左調了一點。
 
然而冰山已近在眼前。
 
「捉實喇！」春郎大聲指示。
 
我們都分佈在左側門和左側門，都用力抓緊門框，以防被撞擊拋開。
 


來了！
 
「轟轟轟轟轟轟——」銀達尼號的船頭在左移時撞上了冰山。
 
船頭右側凹陷，甲板破裂，船身震盪，不斷出現雜物墜地聲。
 
繼而收制不住的船速和該死的重量，推動船頭擦入冰山，「啵——」
 
「裂裂裂裂裂……」冰山擦著船身，拖出一道深深的長痕。
 


多塊船身外殼被撕入海中，海水注入船內。
 
「救命啊丫丫。」尖叫聲從下層傳來。
 
「呼——」磨擦過後，銀達尼號還往前推進多一段距離，才完全失去動力。
 
「哮……哮……」大家都喘著氣，都不知所措。
 
因為即使沒有看到，從剛才的聲音判斷，已知船身的損毀相當嚴重，也知道船頭和船身右側正在入水。
 


「船長。」水手搖搖春郎。
 
「命令所有服務員，派發救生衣，安排乘客上甲板。」春郎說，「水手，下放所有救生艇，比乘客上船。」
 
「警衛，維持秩序。」他再說。
 
我和藍藍走近窗前，看著損毀嚴重的船頭，不禁打了冷震。
 
一些貨物飄流出了海面。
 
可見，一樓的貨物區是損毀區域，也是注水最猛的源頭。
 
「我建議馬上關閉所有隔水閘。」一名警衛提議，「避免啲水一口氣湧晒上黎。」
 
「但咁做既話，下層趕唔切上黎既人咪……」春郎問，需要思考時間。


 
「船長，冇時間考慮，再唔減輕入水情況，恐怕銀達尼號……會沉船。」水手一同勸說。
 
「我有分數。」
 
「而且，如果右邊入水情況持續嚴重，船體往右傾側，咁所有人都好難上到救生艇。」水手說，再度補充，「就算上到，都只係得右邊既救生艇放到落黎，亦好容易被沉船波及。」
 
「去啦……去啦，做你地所有可以做既野。」春郎無力地說，不願再聽，發散了所有人手。
 
這時候，羅密歐伯爵心急地走來窗前。
 
「仔，記唔記得你房間有個熱氣球？」老爸鬼祟地問。
 
「記得，比你拆左油缸嗰個丫嘛。」我說。
 


「估唔到真係有用佢既一日……」老爸感慨起來，「依加即刻跟我上房，我去幫你裝返。」
 
「咁你呢？」我問。
 
——還有藍藍呢？
 
那是一個單人熱氣球，只能夠坐一個人。
 
「我會諗辦法上救生艇，你唔洗擔心。」他笑說。
 
「就算上到救生艇，後面一樣會有海盜追上黎。」我說，悄悄在他耳邊說，「你唔同我，係一個對世界有貢獻既人，老竇不如你坐啦。」
 
「老竇做左幾十年人，都好攰喇，大不了，咪同銀達尼號共存亡。」老爸豁達地說，再伸展一下，活動筋骨。
 
「一世人兩父子，我知你鍾意做戲，但唔好依加做得唔得？」我拉開他問，「一啲都唔型囉。」


 
「點解我地唔一齊坐？」藍藍問。
 
這一刻，我和老爸都望著藍藍，然後互相對望一眼，似乎都確定了坐上去的人選。
 
「係囉，做咩我地唔一齊坐？」老爸隨即演起戲來。
 
「就一齊坐啦！」我微笑地配合，雙手把桌面的訂婚契約卷好，收在燕尾服的內袋中。
 
「咁我地一齊上去？」老爸友善地問，已經視藍藍為媳婦。
 
卻在起步時遇上了兩人。
 
「程強，原來你仲收埋左個熱氣球係房間。」金陰說，看看四周，已經沒有警衛。
 


「點解咁見外啊？預埋我地丫嘛。」紅毛說，其眼神充滿企圖。