在夢境與少女相遇後有壞人殺死了我: 第07章 (63)

可是，藍藍的眼睛卻落在我老爸的身上。
 
坐在我背後的他，似乎一直在對藍藍施加壓力。
 
「程強，我地只係識左四日咋，咁快就私訂終身，我覺得好似有啲……太快。」藍藍膽怯地說。
 
這一刻，那懸在半空的鑽戒，我懸在半空的心，瞬間冷卻了。
 
遲滯的手，想要……放下來。
 


這時，「程強，加油！」
 
我彷彿聽到其他人的內心吶喊，彷彿所有人都在內心大叫。
 
這些聲音裡面，也包括藍藍的聲音嗎？
 
還不能放棄，但我……應該說些什麼？
 
想了一想，又想了一想。
 


「係好耐好耐以前，我有一個好錫我既媽媽。」我回憶地說。
 
「老竇返工好忙，佢唔係度既時候，媽媽就一個人身兼父職。」
 
「每晚瞓覺之前，佢都講故仔比我聽，而最常最常講既，就係佢同老竇既一啲經歷。」
 
「當初點樣不顧家人反對，當初點樣一見鍾情，點樣愛得火熱，同埋最後點樣拉埋天窗。」
 
「每次提起老竇，佢總係嘴角含笑，嗰時既我，覺得媽媽係一個好幸福既女人。我亦都覺得老竇好成功，竟然可以令一個女人如此幸福。」
 


「依加，媽媽已經唔係度。」我緬懷地說。
 
「唔知老竇，仲記唔記得哩個人呢？仲記唔記得當初，係點堅決要同佢係埋一齊呢？」
 
「今日，如果佢知道遺傳左佢一半基因既我，係度做緊同一件事，佢又會唔會支持我呢？」
 
「我老竇，嗰個我從媽媽口中聽返黎既嗰個人，如果係佢既話，我相信佢，一定會支持今日佢嗰個仔所做既決定。」
 
「而唔係站係對立面，成為兒子必須除去既障礙。」
 
說完這段話，我看不到坐在背後的老爸，到底表情有沒有出現變化。
 
但是，我和藍藍都漸覺心情放鬆了。
 
「藍藍，同妳認識既四日，只係我地哩一趟旅程既開始。」我繼續說。


 
「今晚哩度要舉行既，係我同妳既訂婚禮。落船之後，我會帶妳去正式註冊結婚。」
 
「依加係妳眼前既，係幸福既鑽戒，同埋最錫妳既丈夫，只要妳伸出左手，就永遠屬於妳。」
 
「同埋，我跪到有啲攰喇，不如妳應承我啦。」我委屈地說，「嗱，依加我再問一次。」
 
「藍藍，妳願唔願意……」
 
偏偏就在這個時候——
 
「啪——」正門被粗暴地打開，嚇走了人們的注意。
 
一名水手，汗流浹背地進來。
 


「哮……船長，我終於搵到你喇。」水手說，走去船長的坐位。
 
「咩事？」春郎馬上責問。
 
「海上有多艘不明船隻接近，懷疑係……海盜。」水手戰戰兢兢地說。
 
「依加二副，正係下令開動最快船速行駛，務求擺脫佢地。」
 
「銀達尼號，世界上最富有嗰1%既人所坐既船。」春郎揚起嘴角，抽出右手，戴上船長帽子，「終於，要我出場。」
 
「前海軍上校，銀達尼號船長，請指示。」水手挺直地問。
 
「水手，跟我上甲板。警衛，全部去火藥庫提取武器，十分鐘後甲板集合。」
 
「仲有！」春郎把手槍交給日來晴，「所有人唔洗緊張，大家都唔會有事，相信只係一啲唔識死既小毛賊。」


 
「同埋！」
 
「藍藍，唔洗擔心架，嫁比程強啦。」春郎下令，才轉身帶現場的水手和警衛離開。
 
「聽到啦？」我問她，確認一下。
 
說到這裡，藍藍終於綻放笑容，把掩住嘴巴的雙手之一的左手，羞怯地放下來。
 
「藍藍，妳願唔願意……」
 
「我願意。」藍藍笑了，把無名指穿進指環，被我套了上去。
 
「得左喇，咀佢！咀佢！」莉莉牽頭大叫。
 


我鬆一口氣，發力站起，右手拋高花束，左手抱她過來，來個一往情深的擁吻。
 
「嘩！恭喜晒！啪啪、啪啪、啪啪、啪啪……」現場歡呼聲、祝福聲、掌聲遍佈每個角落。
 
四位提琴手也來個即興演奏，拉出快樂跳動的節奏，傾瀉悅耳的音樂。
 
擁吻完畢，我們在人群中看著對方。
 
彼此，都幸福地笑了。