在夢境與少女相遇後有壞人殺死了我: 第07章 (62)

藍藍慢慢轉過身來，她的眼波如清泉般清澈，「程強。」
 
相隔五米距離，我看著她，心情很緊張，手心都出了汗。
 
「咔嚓——」但就在這個時候，正門被人打開，吸走了人們的視線。
 
「老爺？」日來晴驚訝了。
 
薇薇扶著羅密歐伯爵，與幾名警衛一同站在門外。
 


「唔介意，多幾個人丫嘛？」老爸嚴肅地問，戴著口罩，右手撐著紳士拐杖。
 
一步，一步，他被薇薇扶走進來。
 
「當然歡迎啦。」日來晴替我迎接，把自己的位子讓給老爸。
 
莉莉也識趣地站起，讓給薇薇坐下，更叫幾個人去後台搬出一些椅子。
 
椅子加入到圈子當中，把原先鬆動的排座，變得緊密起來。
 


老爸嚴厲的眼神，老爸嚴格的目光，都集中到藍藍身上。
 
藍藍被討厭自己的長輩盯著，自然並不好受，加上薇薇在場，壓力自然是有的。
 
「少爺，唔需要擔心。」日來晴再鼓勵我，輕聲地說，「我保證，你設計既稿，係可以打動所有人。」
 
我「嗯」一聲，他便回去坐下。
 
正門已被關上，我吸一口氣，正視面前那位美麗的少女。
 


「藍藍，望住我。」我握著花束說。
 
「你好啊，我係程強，一個由第一眼見到妳，就已經比妳迷住既人。」
 
「第一次見到妳係幾時呢？係上船之前，茫茫既人海中，我聞到妳既香味。」
 
「第二次見到妳係幾時呢？夜晚，妳上黎借藥既時候。第三次，係歌舞廳。」
 
「我望住你跟金陰學鋼琴，離開既時候，妳與我只係，擦肩而過。」
 
「係咪緣份既安排？」我低頭自問，「之後係城堡撞到妳。嗰時妳係坐金陰架車過黎，而我係同薇薇同一架車。」
 
「我地冇因為見左幾次面就拉近距離，反而，極少既交流令我覺得愈黎愈遠，猶其係你坐金陰架車返去既時候。」
 
「好意外，真係好意外，後來我既管家話比我知，妳同媽媽比人趕落船。」


 
「我當然係九秒九落去搵妳。點解係當然？冇得解架，我就係要幫妳，就係要企係妳嗰邊。」我傻乎乎地說。
 
「硬要搵原因既話，或者，就因為，我係程強。」
 
「之後，要搵你真係一次比一次難。」
 
「首先係，深夜扮管家，逃出房間，去熱氣騰騰既引擎鍋爐區搵妳。」我屈指一數，跟工人招一招手，「係嗰度，我差唔多中暑既時候，遇到坐係嗰邊既兩位高、矮工人。」
 
「跟住佢地帶我去廚房，比我係廚房見到攰到瞓著既妳，嗰個瞬間，我……男人老狗，竟然開心到眼都濕埋。」我哽咽一下，含笑地泛起淚光。
 
「同你，偷鎖匙，上去甲板睇星星，同你講關於戀人星座既故事，然後同妳於甲板上擁吻，嗰短短既十幾分鐘，我畢生難忘，我……」
 
「已經無可救藥咁鍾意左妳。」
 


「冇得解架，因為我係程強，而妳係藍藍囉。」儘管眼淚要流，我也保持親切的微笑。
 
「第二晚妳冇黎舞會，我去救妳，幾度與死亡擦身而過。我地被鎖係一個冰冷既密室，相依唯命。」
 
「好好彩，又有一位老伯伯黎左救我地，今日佢都有黎。」
 
我用手指示一下他的位置，他也老邁地微笑點頭。
 
「藍藍，我唔強，有既只係逞強。我唔健康，身體體弱多病。好多時我地從危機中解脫出黎，都係因為身邊有一班好朋友幫忙。」
 
「我既角色，好多時只係陪住妳，陪住妳共同經歷喜與悲。」
 
「係將來，我或者冇好長既命去陪妳經歷到老，但係……」
 
左手從褲袋裡，掏出一顆銀色小鑽石戒指。


 
「我都希望，妳將來遇到危難，能夠第一時間諗起我，遇到咩開心既野，可以第一時間同我分享。」
 
藍藍看著我，滴下了眼淚。
 
「唔洗驚煩到我架，我既時間能夠為妳而用，係最大既光榮。」
 
「依加，我只係想問你一個問題。」
 
「可唔可以比一個機會我，照顧妳？」一步一步地走近，我在她的面前，屈下了一邊的男兒膝。
 
單膝著地，燕尾著地，抱著玫瑰的我。
 
慢慢地舉起了幸福的鑽戒。
 


「藍藍，嫁比我？」我誠懇地，提出了一輩子的請求。