在夢境與少女相遇後有壞人殺死了我: 第07章 (60)

7.5 藍藍，嫁比我
 
 
五小時後，我放下一疊卡紙，背靠梳化放鬆地閉目養神。
 
順便把設計已久的稿子，在腦海裡默念一遍。
 
這段時間，我們忙碌了很多事情，包括準備講稿、花束、服裝，更改了場地佈置，還有叫莉莉準備藍藍的晚裝。
 
「咳咳、咳咳……」咳嗽卻不時纏繞著我。


 
「少爺。」日來晴拿著針筒，拉起我的手袖，注射四小時效力的針藥。
 
「一直以黎，唔該晒你。」我說，感受針筒插入的刺痛。
 
「講哩啲。」他笑了，絲絲地注射藥液。
 
「都係嗰句啦，關鍵時刻，都係靠你自己。管家可以做既，就只有輔助你做好事前準備。」
 
「今晚，少爺一定會成功既。」他拔出針筒，望著我祝福。


 
「承你貴言。」我感謝地說。
 
「係時候喇，起身換衫。」他拍拍我說。
 
在裁縫師的協助下，我的燕尾禮服刪走紅色，改以水藍色為點綴。
 
但暫時我先不穿。
 
只以穿著企領的白色恤衫和黑色西褲下去。


 
「出發！」我和日來晴，再一次離開房間。
 
級、級級、級級……
 
「其他野都安排好啦嘛？」我抽齊衣領，邊走邊問，從樓梯下去。
 
「係啊少爺。」日來晴提著服裝包，邊走邊說。
 
「客人呢？多唔多？」我問。
 
「唔係好多，所以都搵左啲我既熟人，同埋藍藍既熟人幫手。」日是晴說，「無論如何，今場都可能係唯一一場，以下層來賓為主既宴會廳節目。」
 
「咁仲好，我都唔想請太多貴客過黎。同埋我想問，有冇叫我老竇？因為可能要佢簽個名，雖然……唔係必需……」
 


「我係門口叫左，唔知佢聽唔聽到。」
 
「算啦咁。」我說，把目光放到光亮的前面。
 
 
到達八樓，宴會廳外面悄靜無人，情況與昨晚的舞會截然不同。
 
莉莉急急腳從樓梯上來，一副氣來氣喘的樣子。
 
「準備成點？來賓都各就各位啦嘛？」日來晴問。
 
「全部準備好晒。」莉莉回答，再喘一口氣，「依加，藍藍一個人上緊黎。」
 
「OK OK，少爺，咁我地入後台先。你自己要加油！」
 


「好！」我豎起姆指。
 
日來晴交代完畢，便與莉莉男左、女右地從通道進去。
 
留下我一個在門口迎接。
 
「唔好緊張，唔好緊張。」我按著自己的胸口，望向樓梯，心急的時候又轉身面壁。
 
級、級、級、級……
 
不一會兒，高跟鞋的腳步聲，一級接一級地傳近。
 
一股令人神往的香氣散佈開來。
 
我知道，她來了。