在夢境與少女相遇後有壞人殺死了我: 第07章 (54)

「唔好意思，我想攞返份文件。」男人進來時說。
 
映入眼簾，是一位管理員裝束的老頭子。
 
「感謝主。」我仰天呼一口氣，藍藍也整個人鬆了下來。
 
「嘩！發生咩事？張枱呢？」他受驚嚇了，「嘩！做咩塊板穿左個窿架？」
 
「伯伯。」我叫一聲，輕輕招手。
 


「有賊啊！有人爆竊啊！」他驚叫，想逃出去。
 
「伯伯，冷靜啲。」我從板洞出去，舉起雙手，示意平安。
 
「你係？」老伯伯猶疑地看我的臉。
 
「你好，我叫程強 ‧ 羅密歐，白銀航運公司老闆羅密歐伯爵既獨生子。」我想上前跟他握手，但又怕嚇壞他。
 
「原來係少爺。」他撫著胸口地鬆一口氣。
 


「嚇親你，真係唔好意思。」我鄭重地鞠躬。
 
「唔緊要啦，但少爺係度做咩？仲有，做咩咁黑都唔開燈？」
 
說著，他手一啪，房間就光亮起來。
 
被光線照耀著，我啞口無言了幾秒，也感受到從後而來的怪責視線。
 
「因為一啲誤會，我同女友比人鎖左係度。」我說，拍拍他肩膀，「依加你黎左，實在太好，我地終於可以出去。」
 


「女朋友？少爺唔係聽晚就要訂婚咩？」老伯伯問。
 
「哩個咪就係最大既誤會囉。」我簡直想哭，「係呢，伯伯你咁夜又會黎哩度既？」
 
「我晚晚都要點一次貨，然後入黎mark返個記錄。」他實說實話，「你知啦，出面啲貨全部都咁名貴，少左一件都好大件事架，我賠唔起架。」
 
「程強，你快啲執返比伯伯啦。」藍藍推著桌子，俯身從板洞出來。
 
「真係唔好意思，阻住左你做野。」我對伯伯道歉，馬上收拾收拾，把文件記錄疊齊。
 
「但塊板？」他一臉無奈地問，看著收拾中的我。
 
「之後會有人黎維修。」我牽強地說，「唔洗擔心。」
 
連同一些文具，放回桌子上。


 
「係呢？你過黎嗰時，冇人攔住你咩？」我刺探消息，「冇人話你知唔可以過黎之類咩？」
 
「冇啊，我就住隔離之嘛，夠鐘就出黎巡一圈，冇人同我講過野喎。」老伯伯說，又邀請，「少爺，你地睇落凍左好耐，我嗰邊有暖爐，你地洗唔洗去我度坐下？」
 
我轉身看藍藍的意思，她展露出不要連累老伯的表情。
 
「唔洗喇，唔該。」我禮貌地說，加以讚賞，「老伯伯你咁盡忠職守，我遲下一定會叫上面加你人工。」
 
「哈哈哈哈。」老伯伯摸摸鬍子，豪邁大笑，「我做左哩行幾十年喇，做埋哩轉船，我就退休架喇。仔女都係美國等緊我，到時就可以抱孫，唔洗再做lu。」
 
「不過，都多謝少爺你既讚賞。」老伯伯向我點頭。
 
「傻啦，係我地多謝你就真，如果你今晚偷懶冇黎，我地就死梗架喇。」我說，牽起藍藍的手。
 


 
「咁我地唔阻住你做野喇，祝你生活美滿。」我由衷地祝福，敬這位老邁的管理員。
 
「我老人家唔識情愛，老伴亦都已經唔係度。但記住啊，捉緊既手，就唔好放開喇。」老伯伯也由衷地祝福，「祝你地生活愉快。」
 
「多謝伯伯。」我和藍藍說完，便禮貌地離開了房間。
 
到了房間外面。
 
「你話，點解管理員伯伯，咁容易就開到門既？薇薇冇派人睇住咩？」藍藍問。
 
「你當薇薇係黑幫大佬，有好多人跟住咩？」我裝酷地說，「對手，只係一個十五歲既女仔。」
 
「咁我地依加去邊？」她問。
 


「死，我條房間鎖匙係舊嗰套衫度。」我這才發現，剛才沒換衣服就走了。
 
「點算啊？咁咪冇得返去？」她問。
 
「咁咪唔返去囉，我同你搵個地方匿埋。」我抱著她，「從此隱姓埋名好唔好？」
 
「唔……」她在思考，而我單單是看著她，就覺得很幸福了。
 
「不過，要帶你睇左醫生先。」我說。