在夢境與少女相遇後有壞人殺死了我: 第07章 (45)

野兔小姐一個人站到台中，腳踏綠光青草，仰望無盡天際。
 
月亮王子雙手插袋，慢步到她的面前，然後提起右手肘，讓她緊緊擐住。
 
兩人點頭，舞台的綠光範圍漸漸收小，小到盡頭後，換成月球的灰色。
 
音樂奏起，一拉，月亮王子低頭，再拉，他向後滑步。
 
不停拉拉奏奏，他的腳法如在月球漫步；野兔小姐也成了性感小月兔，配合地與他共舞。
 


燈光也一盞一盞地亂眨狂閃。
 
此時，我和白狐狸小姐站在牆邊，收到了服務員派發的第三環節紙卡和筆。
 
第三環節，輪到男舞者構思。
 
「白狐狸小姐，不如，你講下你既故事。」我拿著筆，提著紙問，「等我可以為你設計一個最佳表演。」
 
既然要跳，我不介意為她花點心思。
 


但她沒有回應，像是陷入不堪的回憶當中。
 
「唔想講都冇所謂既，好多人都有不可告人既過去，明白既。」我自說自話，準備落筆，「咁我求其寫架喇。」
 
「從前有一位情竇初開既少女，每日都發住戀愛既美夢，但佢既家人就為佢安排左一頭婚事，要佢嫁比一位富家公子。」她眼神空洞地說。
 
「大家都話嗰位公子，投資眼光獨到，係金融才俊，而且家境富有，嫁比佢一定會好幸福。」
 
我想了一想，這些描述、特徵，跟幸福哪裡有關係？
 


「少女冇得反抗，見過男仔幾面，就順從左家人既安排，嫁左過去。」
 
「但佢去到之後，聽到既唔係相識時既甜言蜜語，係個男人想點樣賺多啲錢，點樣謀住佢家族既生意。」
 
「見到既，唔係一個風度翩翩既王子，而係一個呼呼喝喝既暴君。」
 
「摸到既，唔係丈夫溫暖既雙手，而係一個個唔鐘意就打過黎既拳頭。」
 
 
「後來父母遇到車禍離世，少女接手左大部分公司資產。丈夫要佢交出黎，佢知道哩樣係自己最後既寶貝，死都唔肯交。丈夫就話……要打到佢交為止。」
 
說到這裡，她哽咽，接著低頭。
 
「而嗰位少女……」她飲泣地，摸著自己的右眼角，「仲因為比佢暴打而一度失明……」
 


「佢再睇返野既時候……泣……」肩聳聳，眼淚一顆顆滴下。
 
「發現右眼角，已經多左一條好醜樣既疤痕。」
 
「佢知道……泣……男人都係睇樣。」她說，「變成咁，哩世人唔單止丈夫，亦都唔會再有男人溫柔咁對佢。」
 
「最後，佢變賣左家人留比佢既公司，離家出走，從此改名——蒙羅麗莎。」
 
聽到這裡，我有一點明白，為什麼會有人追求蒙面舞會。
 
在瘋狂閃亮，無限浪漫的舞台下——
 
「黎，唔好喊。」我雙手抱緊她。
 
 


「哩個……係嗰位少女既秘密，你千祈唔好講出去。」她脆弱地說，心靈已破碎一地。
 
「放心，我知道係秘密，唔會同人講。同埋，件事已經過左去，你都唔好諗咁多喇。」我安慰說，抱撫她的頭髮。
 
「未。」她害怕起來，「未過去。」
 
「未？咩意思？我知道疤痕係好難……」
 
「丈夫又搵到嗰位少女，就係……」她身子抖震地說，「哩艘銀達尼號上面。」
 
「佢係邊個？」我驚訝地問。
 
「唔好問，佢係你得罪唔起既人。」白狐狸小姐含淚望來，不住搖頭。
 
「特徵。」我激動地問，雙手抓肩，要她馬上答我。


 
「一陣你睇完封信就知道。」她說，「答應我，你知道就算，千祈唔好亂黎。」
 
「知道特徵，至少我可以避開嗰個人丫嘛。」我牽強地笑說，「話比我知，嗰位少女既丈夫，係邊個？有咩特徵？」
 
問這個問題的時候，大概我只是腦袋一時衝動，對她有點憐憫，而沒有想過問題的嚴重性。
 
直至她最後回答了我。
 
「紅色頭髮。」她低聲說。
 
我才收起笑容。