在夢境與少女相遇後有壞人殺死了我: 第07章 (44)

四位提琴手連續不斷的拉奏樂，掩蓋我的咳嗽和聲線。
 
燈光照來照去，台上兩人跳舞進入高潮。
 
白狐狸小姐被我拒絕後，一直不動，左手捏著自己的右手肘。
 
一輪燈光照過我們——
 
甚至，眼睛有淚水滲出。
 


我在氣息緩和一點後，走回她的身前。
 
「你唔會係……咩都唔知，只係呃我掛？」我試探問。
 
回想起來，她的確沒有透露過絲毫情報，連藍藍的名字都沒有提及。
 
「你真係知，我搵緊邊個？」我再在她耳邊問。
 
「做我舞伴，直至舞會結束。」她說，身體軟了下來，靠在我身上。
 


「我同嗰個人講過，如果佢冇黎，我就去搵佢。」我望著牆壁說，雙手抓住她的雙肩，移開一點距離。
 
「依加，我要去喇。」鬆開手，我掠過她，往左側門走去。
 
「藍藍。」她說出了口，停止了我的動作，「佢就係你要搵既人。」
 
「點解……你會知？」我瞪大了眼，她果然是知道一切。
 
白狐狸小姐，慢慢走回我的前方，淒楚地望著我。
 


「你係咩人？」我問，「既然知道我既野，肯定唔係一般參加者。」
 
音樂旋律已盡，拍手聲暴烈響起。
 
啪啪啪啪啪啪啪啪……
 
「我係蒙羅麗莎。」她手指摸一摸面具，望過來說，「蒙面舞會既主辦者。」
 
「如果你同我一組，我會比你進入第四環節，我會比你同我一齊贏，我會比你……」她低下頭，「贏走我……既獎品。」
 
「咳咳，唔好意思。」我坦白說，「冇興趣。」
 
「至少，跳埋第三環節。」她拉住我，眼淚也在留住我。
 
「點解你要搵我呢？」我想知道，「其實你搵其他人，相信都一定肯同你跳。」


 
「原因、同你想知既野，全部都係哩封信度。」她掏出一張對摺的信紙。
 
「我冇呃過你。」她說，「你同我跳多一次，就可以拎佢走。」
 
接著，她把信紙塞到乳溝之下。
 
我皺眉沉思，兩秒後——
 
「下一組，月亮王子與野兔妖精在月球漫步。」旁白的聲音再度響起。
 
燈光輪流眨動，四周一閃一閃，帶動熱烈的氣氛。
 
「好啦。」我沉重地嘆一口氣，「我同你跳埋第三環節。」