在夢境與少女相遇後有壞人殺死了我: 第02章 (2)

看她的樣子，應該跟我妹同齡，卻是一身MK妹的味道。
 
尤其那不成熟的化妝，顯得有點刻意。
 
「你係？」我陌生地問，「搵邊位？」
 
「我上過黎幾次喇，你仲未認得我呀？」她失望地說，便自我介紹，「我係你妹個FD，黎搵你個妹。」
 
「哦，入黎先。」我冷冷地說，把鐵閘拉右。
 


「貓貓！」她看見沙發的貓貓就大叫，衝上前捉住牠。
 
「你未除鞋……」我的聲音，似乎無法傳達。
 
貓貓迅速被擒，但沒有反抗，因為懶散的牠肯定覺得掙扎太麻煩。
 
「你叫我做石頭就得架喇。」MK妹大聲地說，抱起貓貓，「有啲人叫我小石，或者小小石，兩個都得。但唔可以叫我石石，因為鍚鍚係老公仔先可以叫。」
 
我表示，MK世界真的很難理解。
 


「叫我阿強得喇。」我無奈地說。
 
「咁你叫我小小石啦。」她說。
 
「可唔可以比個正常啲既名黎？」我找位置坐下。
 
「你話咩話？」
 
「冇……我話我妹換緊衫之嘛。」
 


「強哥，借個關愛座黎坐！」小小石忽然說。
 
「你講乜關？」愛字未出口，小小石已經坐上我大脾，兩條腿也放了上來。
 
她拉低白色外套拉鏈，露出黑色背心，及半個胸部，雙手一舉再放，讓貓貓的頭伏在胸上。
 
「你哩個先係關愛座。」我想說，卻沒說出口。
 
「喵。」貓貓被抱得不舒服，就跳了下來，回到沙發上睡覺。
 
小小石發現了我的視線，「你望咩啫？」
 
「你望咩啫？」她再問，眼神色迷迷地，用手勾住我的頸子。
 
她再慢慢轉身，讓胸部對著我，慢慢逼近。


 
「咔嚓——」妹妹換完衣服開門。
 
「丫你，石詩巧，你又搞我阿哥？」妹指責我面前這個FD。
 
又？
 
「鬼叫你阿哥次次都唔記得人。」小小石說，「我自介左咁多次，佢連一個字都唔記得。」
 
「我啱啱知道左，你叫石詩巧。」我說。希望你MK胸大之餘都有腦，可以思考……
 
「不過我點搞佢都冇用啦，條友都唔得既。」石詩巧不屑地說。
 
「唔係啊，佢依加冇事架喇。」妹妹說，「琴日佢生日仲許願希望遇到女神。」
 


「係？」詩巧馬上心懷不軌。
 
「咁你，遇到未？」她貼近地問，右手輕輕勾低背心的胸口位。
 
我看著她，腦海裡，浮現了一位少女正在走近。
 
這個人靜靜坐下，放低書本，手指把髮絲勾在耳邊。
 
美得微風吹過，使得世界靜止——
 
我心跳加速，呆呆陶醉地回答，「我諗我……可能已經遇到。」