在夢境與少女相遇後有壞人殺死了我: 序章

晚上，獨自在房間。
 
「我連續發左好多晚惡夢喇，陪我傾多陣先瞓啦。」我隔著電話，懇求地說。
 
「兄弟，你驚都冇用格。但我依加瞓就有用嘞。因為呢，聽朝我要番工。」電話邊，是阿力的回絕。
 
「聽日係紅日喎……」
 
「紅日都有人要番工架，兄弟。惡夢之嘛，瞓醒咪冇事囉。」阿力說，「一係你搵條女傾啦，兩條佬真係冇乜好講。」
 


「我就係因為許左個戇鳩願，想遇到真命天女，先搞成咁。」我憔悴地說。
 
「定其實你本身……已經係咁。」
 
「吓？你講咩？」我問，想要訴說，「而且我驚既，唔止係啲夢。」
 
「唔好諗咁多喇，早啲訓啦，可能今晚會冇事呢。」阿力說完，不久便掛了線。
 
每年情人節、新年、我的生日都集中在二月。有時候我會諗，如果我真的要許一個願，最有效應該是在二月。
 


因為那是我的新年願望、生日願望 + 情人節願望的集成，有齊中西節日加生日，應該是最靈驗的。
 
雖然是迷信，我知道的，可是今次，我還是想許一個願。
 
自從上次失戀，在街上遊蕩了一晚後，我……像是生命被撕去一半。
 
此後身體，有一種填補不到的缺憾。靈魂像是缺乏營養般，外強中乾。
 
我需要填補，可是再也沒有心動過。周邊的女人，感覺只是一堆肉，一些與自己無關的生物。
 


面對愛情，我已經無能為力。每次見到朋友拍拖，心都會諗：「到底自己嗰個，幾時會到。」
 
「難道塵世間既女子我都看不上？」我的好朋友阿力，英文名Nick，總是說我眼角高，太理想主義。
 
轉眼間，二月已經到了最後一天。
 
這天是我的農曆生日，我決心地對著一蘿紅雞蛋，向上天許願：
 
「如果可以比我見到女神一面，雖然我未知佢係邊個，之後要我死都願意。」
 
話雖如此，我沒想過真的會靈驗。就算靈驗，都只怪自己多口，累死了自己。
 
結果，我真的遇到了她，一個令我心動不已的少女。
 
只是沒想到，竟然要我死這麼多次。