<<現代驅魔文獻>>: 第二十九章：無眠酒遇撲勇獅 覺醒劍斬怨女情
第二十九章：無眠酒遇撲勇獅 覺醒劍斬怨女情
（昆吾篇）一班古惑仔頓時全部望向健壯男身上，全場的其他人也把焦點落在他身上。古惑仔其中一個應該是帶頭的問：
「你邊撚到架？關你撚事啊！」
健壯男左手拿著一根雕滿了不少獅子圖紋的全黑色長棍，看上去應該是金屬製的長棒，足足有五尺長。他一步一步走向那班古惑仔面前，說：
「我唔想搞大佢，你地走啦。」
「嚇鬼啊，你個大舊佬都幾多口水架喎！」「郁佢啦大佬，洗撚同佢講咁多野咩！」「係囉，打柒佢啦！」
健壯男話也沒說，便一拳打中古惑仔帶頭的那個眼鏡上，左邊的眼鏡片應拳而碎。其他人正想出手時，他已雙手舉起長棒左撥右發，一前一後，棒如舞龍，八九個人不足三分鐘，經已全部倒地。
我發現他右手手臂上有兩條疤痕，難道他也是轉世驅魔師？還是巧合？
「仲唔走！快啲走！」
健壯男大喝一聲，他們便落荒而逃。
那四個青人也接連多謝他的幫忙，他沒有多說什麼，便獨自回到自己的座位上，又繼續喝著跟我一樣的浪漫－青島啤酒。
十二點了，我忍不住走上健壯男的位置搭枱。他望了我一眼又繼續喝。
我壓低聲線問：
「你好，你係唔係圖騰既人？」
他這時才瞄了我一眼，左手也握緊他的長棍，壓低聲線回答說：
「你係咩人？」
「唔洗緊張，我係周氏圖騰既人。你呢？」
「原來係后稷既人，你係轉世驅魔師定正氣師？」
「我係驅魔師，人稱地藏獸．昆吾。」
看他的樣子也有幾分醉意了，他說：
「原來係同路人，咁你都知跟住伏羲圖騰果種慘況。。。」
「唔好意思，因為我都係半年幾前先知自己係轉世驅魔師，所以未真正加入過伏羲圖騰。」
「咁你唔知喇，我地跟住宋廣進幾苦。。。」
「宋廣進係咪伏羲圖騰香港區總管？」
他又喝了幾口啤酒，繼續說：
「無錯。」
「唔好意思，唔好怪我八掛。咁其實有幾苦？」
他點了根煙，吐出唏噓的煙霧，讓我已感覺到他的心情。
「唉，我加入伏羲圖騰後，宋廣進就叫左我入圖騰係香港開既金融公司做。係裡面我就負責跑客同做單，但就要做啲違背良心既野。」
「香港唔係話做金融有前途既咩？點樣要違背良心？」
「少年，你真係太年輕了！我地做炒倫敦金既，我地做經紀既主要賺交易費，就好似一次買入賣出咁先有一次佣金，但個市好難捉摸架麻。」
「咁我明明地喇，即係如果你地幫個客交易得越少你地收入就越低，係咪咁啊？」
「嗯，但如果交易越多就越易蝕錢，咁只會累左個客。而最重要既。。。」
他欲言又止的，一口喝光了整杯啤酒，繼續說：
「佢地呢啲公司最賺錢既，係個客直頭輸錢，因為呢啲所謂炒金，炒期指，炒外匯既公司都係同客戶對賭。即係其實呢啲公司接左你個盤之後，唔係幫你落盤出街，而係公司自己坐左你個盤，自己同你對賭。」
「如果咁樣，即係如果客人賺錢，公司咪蝕錢？」
「無錯，所以公司一定希望客人輸曬啲錢，咁樣我地身為經紀，就當然要遮住良心先搵到錢。但我唔想咁落去，我係一個轉世驅魔師，唔應該咁樣做人！我好想做番一個真正既驅魔師！」
「估唔到真係咁黑暗。。。」
「唉，我都唔知仲可以點。。。」
原來一個金融國際大都會背後，就是這麼醜陋。我們身為香港人，究竟是以香港人為傲？還是引以為恥？
「係呢，未知兄弟你點稱呼？」
「我叫驩兜，平時因為凡事都爭個第一，所以人送外號撲勇獅。」
「驩兜兄弟我有聽過你既歷史，之前hello kitty藏屍案好似你有份做善後工作？的確名震驅魔界。」
「都好多年前既事喇，果時我仲係跟住我老豆做驅魔工作，仲未加入伏羲圖騰，就係果件事後我先加入伏羲圖騰既。以為加入左後可以有更多驅魔既工作，點知就投閒置散，無幾耐我老豆死左之後，我更加只能投靠圖騰生活。佢最後就安排左我入間金融公司到做。」
「咁即係話之前伏羲圖騰安排你去驅魔，有錢俾你架？」
「係啊，好出奇咩？唔係我地點生活？」
「驅魔師唔係應該天生為正義而戰，唔會收錢既咩？」
「伏羲圖騰就會有囉，因為我知佢地都有收人地錢，而且都好貴。之後再同我地驅魔師拆數咁做。」
「估唔到所謂正宗既驅魔圖騰，竟然係要收錢先去驅魔。我地周氏圖騰同埋其他各路圖騰都係唔收錢做架。」
「無辦法，係伏羲圖騰旗下只能夠跟住佢地既規矩。」
「咁你有諗過離開伏羲圖騰嗎？」
「實不相暪啊，其實今晚我岩岩幫一個好窮既家庭驅魔，而我可以分到一千，即係圖騰最少收左佢地三四千，我就係收左呢啲錢都唔安落。最後我俾左三千蚊果個家庭，希望可以幫到佢地。。。」
驩兜又多喝一整杯啤酒，繼續說：
「昆吾兄弟，唔通我唔知宋廣進呢班人做緊咩，但我無野可以做到啊。我地身為轉世驅魔師，就係為天下人而活，而唔係為左自己而活。但我始終都係一個人。。。更何況而家我無人無物。。。更加唔知生存為咩。」
我搭著他的肩膊，希望給他一種安慰的感覺。
「驩兜兄弟，你有諗過加入我地周氏圖騰為大義而活嗎？我相信后稷一定會幫你架。」
「昆吾兄弟，我都有諗過投靠其他圖騰，但始終脫離伏羲圖騰就等同謀反，要面對既後果我真係唔敢想像。相信你都有聽過尖沙咀既姚氏圖騰，披甲龍．姚太山而家都已經下落不明，我真係唔知點做。。。」
當我以為自己很失落時，原來世界還有更多人比我更失落。其實是不是很多時候我們也放大了自己的失落？
這邊廂，原來有人還這麼偉大去幫助有需要的人民，我呢？一個宅男可以做什麼？
我跟驩兜只是交換了聯絡電話後，便兩個男人繼續喝著青島。
沒有對話，並不代表我們已經沒有話題，或者無聊。
而是想靜靜地回想我們的一生。。。
回家後，可能喝得太醉很快便休息了。父母也不知我為什麼會喝醉，但我也不想多言。
回到中大，雖然有常儀、后稷、芷恩和教授是同路人，但我更覺孤單。后稷來了找我，但我沒有見他。芷恩卻不斷whatsapp我，但我並沒有回覆。常儀也繼續沒有找我。
始終我也想清醒一下以後的路怎樣。
深夜一時正，我帶著昆魔棒獨自走到湯宿門口，打算自己親手處理了這牛尾湯女鬼，真正幹一番轉世驅魔師的大事！
我站在湯宿外的草地上，閉上雙眼，心裡唸著：
「你呢隻女鬼，濫殺無辜，你自己被男人拋棄，點解仲要搵其他人陪葬！天下有道，有因果報應，今日我轉世驅魔師地藏獸．昆吾，就要替天行道，收拾你呢隻冥頑不靈既自私女鬼！夠膽就出黎啦！」
一時間四周好像有股怨氣充斥，我直覺告訴我無須開眼，右手緊握著昆魔棒。我再繼續心裡唸著：
「黎啦！就等我將你呢個怨婦打到魂飛魄散啦！」
我突然好像胸口被踢了一腳般向後跌倒在地上，她竟然有能力違反物理定律踢到我？難道她已經成妖？好像唯銘遇到那隻荷花妖？
我把昆魔棒亂揮，她又在我後面一腳踢倒，之後我被抽起身左一巴掌右一巴掌打在面上，終於聽到她的聲音。
「你個不知好歹既廢柴！你連戀愛都未談過，有咩資格評論我既愛情！」
我完全被按在地上任她魚肉一樣，我再次集中精神回想后稷講過的說話。
「昆吾，無論對方幾惡都好，你要記住，鬼係唔能夠違反物理定律，佢只可以用幻覺令你腦部釋出資訊覺得被打或者被推，甚至被跳樓。只要揸緊你個信念，就可以控制番自己既身體。」
我盡量將自己平靜下來，再次集中精神，握緊手中的昆魔棒。我感受到身體好像開始不是由自己控制，但意志是清醒的。一把聲音用普通話說：
「起來吧昆吾，汝之驅魔大義終把吾喚醒。就讓吾等一起戰鬥！」
「你是？」
「吾是汝之戰友，昆吾劍之靈，伏羲之弟，伏仁是也，就讓吾等再次斬妖除魔，起來吧！」
「我」不自覺打開了眼睛，身體好像不受自己控制，手上的昆魔棒尖刺位延伸了一把長劍出來，而原來的昆魔棒便變成了昆吾劍的劍柄。
「我」隨手一揮便斬中女鬼的身上，她大聲一叫便好像現形了。我的意思是她好像變得有血有肉的感覺，女鬼也感到驚訝撫摸著自己被斬中的腹部正在流血。
「昆吾，她已被吾所傷，將有一柱香時間內成人形，要殺她便趁現在！」
我默許了「我」的要求，之後一劍刺進她的肚裡，並穿過她的身體。「我」輕鬆的把劍拔出。
女鬼無力的跪在地上，一邊吐血一邊向「我」問道：
「你究竟係邊個。。。點解咁大法力。。。」
「吾乃遠古炎黃時期之神器，昆吾劍是也！」
「明明佢話。。。我唔會咁。。。易受。。。傷。。。」
「天下八大神器為盤古和伏羲親手所鑄，以軒轅劍為首，其二為繁弱弓，後為紅花偃月刀、紅花霸王鎗、昆吾劍、金龍禪杖、青龍泉戟和赤龍晶介。八大神器斬妖如割草，對付汝等小鬼，可謂牛刀殺雞而已。」
我跟「我」要求取回控制權，用劍指向女鬼的頸上問：
「你話佢？果個佢究竟係邊個？」
「我。。。我都唔知。。。道，只知呢個女。。。人話。。。會幫我。。。報。。。仇。而家我都報。。。唔到仇。。。殺左我，我。。。唔想。。。再糾纏。。。喇。。。」
我一劍在她的頸上一割，她便真真正正死了，慢慢地消失了。
又是一個女人？之前達輝不是也說一個女人嗎？為什麼這個女人有這麼大本事？她究竟是何方神聖？
「吾任務已達，先回劍中，以後這昆魔棒將化成昆吾劍。不戰時劍不會現，若要吾之幫忙，集中精神召喚吾即可。」
「好，我知道喇。以後我們好好合作！謝謝你，伏仁！」
原來昆吾劍是伏仁死後將自己的靈魂封在劍內，看來以後我將會變成很強的轉世驅魔師。
我終於找到自己的路了！我要闖出自己的路，證明給常儀看，我不一定再靠后稷！