【躲在衣櫃?很久了...他發現我了嗎...】: 2-生日

今日係我嘅生日。
因為種種原因，我習慣咗一個人
一個人慶祝，
一個人食蛋糕，
一個人享受孤獨嘅派對。

將音樂開到最大聲，
隨着漸變瘋狂嘅旋律起舞。

突然，音樂停咗。燈光由閃下閃下，到而家成間屋變得漆黑一片。





頂。身邊冇個男人，好多野都係要自己做。依家咁嘅情況，就算係逼不得已，都要無奈咁冒着黑暗出去電箱睇下咩事。

踏出門口，冰涼嘅空氣配住刺骨嘅涼風，陰森嘅氣氛充斥着我身體嘅每一個部位。為咗我屋企嘅燈光，我只好裝作勇敢。繼續一步，一步，走到電箱前面。

打開銀色嘅鐵蓋，有一堆字，由於太黑，我一句都睇唔到。靠住手指嘅摸索，我摸到幾個好似開關嘅制。對修理電箱一竅不通嘅我，唯有將所有開關打開。

'喀喀喀' 雖然唔知做得啱唔啱，
既然全部開關都開咗，
應該冇錯掛？





我自以為是咁笑咗笑，
將鐵蓋蓋好之後，
慢慢咁行返去大門⋯