果個女仔做咩一直係到望住我: 32

時間一直去到星期六。 

「喂!自以為靚仔果個，你上次贏左我，有咩想我應承你? 」 

史毒C朗上身，起勢咁插花。 

「喂，點解妳成日都話我係自以為靚仔既傻仔啫?乜我唔靚仔咩? 」 

我控住摩迪，搵緊C朗想傳俾佢。 





「你呀?都算靚仔既。不過好厚顏無恥囉，大大聲話自己靚仔。」 

穎希用謝老四一野cut左我既長傳，再傳俾史達寧9沖。 

「我幾時有大大聲話過自己靚仔呀?妳唔好作得就作啵。」 

伊拿拉文迪一個滑剷，解個靚圍。 

「無咩?咁當我記錯囉。呵呵!」 





史杜列治沖入禁區，橫傳俾巴神，一野轟爆聖卡斯。 

「咁你想要咩? 」 

「未諗到喎…遲D先算啦，實有機會既。」 

我漫不經心咁答佢。 

穎希笑左笑，無再追問。 





反而問左第二條問題。 

「今晚食咩呀靚仔? 」 

「今晚我約左人，妳自己搞點啦。」 

我入房換完衫，數下自己要帶既野，電話，鎖匙，銀包…銀包呢? 

「黃大小姐，有無見過我個銀包呀? 原來係到。 

嘩!妳做咩眼紅紅咁呀?不過唔講住啦，趕時間呀!走啦，有咩打俾我! 」 

我走出門口，不帶走一片雲彩。 

亦無留意到，留下眼紅紅既穎希。