果個女仔做咩一直係到望住我: 31

如事者，過多一個月左右。 



Lunch時份。 

「其實你同黃穎希係咪拍緊拖啫? 」 

阿成問。阿成係我小學開始識既老友， 





係B班既一個傻仔黎，亦都係B班女神其中一隻兵之一。 

「傻啦!我都唔中意佢。應該係話，我都唔知係咪中意佢。」 

我一路答，一路幫黃穎希買野食。 









夜晚9點。 

拜仁同車仔不斷互相撕殺，比數係2比2。 

馬迪一個靚鏟，皮球去到夏殺腳下， 

踏左推右，過左拿無，一個三角形，超靚直線去到巴哥腳下， 

再一個挑射，施治只能得個望字，望實個波入龍。 





「今次呢球輕輕鬆鬆無難度啦!仲唔俾我贏到妳呢個萬世魔王! 」 

我笑到四萬咁既口望實黃穎希，因為我終於贏左佢! 

「咁你想要咩? 」 

黃穎希是咪輸到傻左，輸左都笑住問我野。 

「我要……」 

「So tell me you love me, if you don't then lie, oh lie to me 
Just tell me you love, if you don't then lie, oh lie to me 
If you don't then lie, oh lie to me.」 

「黃穎希妳電話響喎! 」 





「喂!.....媽? 」 

黃穎希本來仲笑笑口， 

下一秒，笑容轉眼間凝結。 

佢走左入房同佢娘親講電話， 

睇黎唔想俾我聽到。 


二十分鐘之後，佢出番黎，雙眼紅腫， 

有可能岩岩喊完黎， 





臉上無半點笑容，同平時既佢簡直差天共地。 

「黃穎希?做咩咁既樣? 」 

我好懷疑佢個靈魂飛走左。 

「黃穎希? 」 

佢仲係唔出聲…… 

我摸一摸佢額頭，唔，無發燒。 

咁搞乜? 





「黃穎希? 」 

我輕聲細問。 

「呼! 」 

黃穎希深呼吸， 

笑左一笑，續道: 

「我地繼續打機! 」 

「妳無事嘛? 」 

我一路開番FIFA，一路問佢。 





「無事! 」 

黃穎希擠出一點笑容，想我信佢咁。 

然而，我無篤爆佢。 

始終，每人都有自己秘密…… 

但係我冇諗過，當日唔出聲， 

我再無機會出聲