果個女仔做咩一直係到望住我: 27

「我邊留意到咁多呀黃穎希小朋友， 

一番黎就見到妳坐左係地下，又好辛苦咁，我仲有諗過call 白車嫁! 」 

我照實話講。老老實實，點解佢無啦啦要拖地，跟住搞到自己咁? 

「喂，我咪叫左妳唔好搞咁多野囉，家務同煮飯都等我黎搞嘛。點解妳無啦啦拖地啫? 」 

「咁我見自己好似病好嘛，跟住你又同女出街， 





廢時阻住你啦。咁我見自己無屋企無咩野做， 

又唔想打機，咁咪拖下地囉。 

點知拖拖下個頭有D暈暈地，跟住就唔小心滑倒啦。」 

黃穎希愈講愈細聲，好似小朋友向大人認錯咁。 

見到黃穎希愈講愈細聲，好似驚俾我話咁。 





又望望佢隻腳，為左屋企而整親，我不禁心中一軟， 

唔再出聲，靜靜地搓埋果少少藥酒。 

良久， 

「咕咕……」 

我同黃穎希同時肚皮作響， 





不禁相視而笑。 

「去食野啦，黃大小姐。」 

我正想起身，但係黃穎希捉住我， 

然後望望自己隻腳，再望一望我，眼光再次轉動。 

「我揹妳啦。」 

唔洗出聲，我已經知佢想點。 

黃穎希隨即一笑， 

一拐一拐咁走入房換衫。 





望住佢既背影，我愈覺得自己好衰， 

黃穎希為我付出，但係我就差D同其他女仔啪啪啪。 

我一定要為佢付出更多。