果個女仔做咩一直係到望住我: 26

我掏出門匙，打開門，即刻見到黃穎希坐左係地下， 

塊面好似好痛苦咁，捉住隻腳。 

我即刻衝上前，見到佢隻腳腫到乜咁，心中不由得一痛。 

「黃穎希小姐，妳又搞乜呀。點解會無啦啦整親隻腳架。」 

我一臉擔心咁抱起佢，放係sofa則邊，跟住佢坐上梳化。 





「喂!坐番落黎啦白痴，妳唔係咁低b呀嘛。」 

「嗄?唔係坐上去咁應該點呀? 」 

黃穎希坐番落地下，一臉天真咁問。 

「妳有無少少常識嫁……」 

我真係無佢咁好氣， 





佢將佢隻腳放上去sofa上面， 

跟住慢慢幫佢按摩隻腳。 

「妳唔係咁都唔識嘛?隻腳擺上黎是常識吧。」 

我安放好黃穎希隻腳，跟住忘不了串一串佢。 

「咩喎，咁我真係唔識嘛。」呢條友真係有d公主病。 





「中三教bio應該有教過掛? 」我問。 

「哈哈，中三果時，我既phy chem bio全部都fail嫁。」 

黃穎希伸一伸舌頭，樣貌可愛，令我不禁呆看她。 

「望咩啫你。」黃穎希拍一拍我。 

我回過神來，調整一下自己既思緒。 

「係呢，做咩啫妳，點解無啦啦會整親架。」 

我係急救箱到拎出鐵打酒， 

然後倒少少出黎落佢既右腳腳踝，然後起勢咁係到搓。 





「喂!痛呀!細力D得唔得呀! 」 

黃穎希成塊面那埋一舊，係到大叫。 

「唔大力D點搓走妳腫左果達呀! 」 

說畢，我更加大大力咁搓。 

「細力D呀何朗然!痛到我想死呀! 」 

妳有無咁誇呀…… 

「咁就差唔到，岩岩鬼死咁大力。」 





黃穎希啫長個嘴，打左我一下。 

「喂，我不知幾有經驗。講真，做運動真係成日傷， 

呢D少少整親真係小兒科黎。」 

我倒多少少鐵打酒出黎，幫黃穎希再搓多陣。 

「話時話啦，點解會無啦啦整親既? 」 

「你望下間屋!睇下有咩唔同? 」 

我四圍望望，又好似無咩唔同喎! 

咦!唔係喎，地下好似有D濕濕地既? 





「黃穎希，妳拖完地黎? 」 

「你終於察覺到啦咩?我以為你知道扮唔知tim。」 

佢一臉嬲嬲豬咁。