果個女仔做咩一直係到望住我: 18

食完野，我一盡男人既責任，送望晴番屋企。 

一路上，只有佢講，我無咩點講， 

可能因為我對佢無咩興趣，同埋掛住黃穎希既病。 

「呃!你係到等一陣阿!我去7仔買D野先。」 

望晴沖左入去前面路口間7仔，我亦都唔陪佢入去，有時有D女仔野真係比較難控制。 





唔知而家黃穎希係到做緊咩呢，佢個病好番未呢。 

今朝出門口見佢氣息好左好多，應該都病好既。 

丫，唔係啦，都係打電話番去問問先。 

掏出三叔note 2，翻去聯絡人一頁，向聯絡人(黃大小姐)撥左個電話。 

「喂?做咩呀? 」 





黃穎希把聲已經有好轉，唔似得之前仲係沙沙地咁。 

不過都係好無禮貌 

「無，問下妳病成點啫。好似好番好多啦?係咪? 」 

「一般啦!唔講啦!好多野做!今晚番黎再講啦!丫!你有幾夜就幾夜番啦!係咁!嘟…..」 

我問候下妳既病，頂妳拜拜都唔講聲，搞鬼錯! 





「妳條友…無心無好報…」我喃喃自語，無留意到望晴已經買完野。 

「不如呢。你上黎我到丫!我部電腦唔知點解開機好鬼慢，同埋又勁多唔知咩彈出黎，好煩囉。 
幫我搞搞佢阿!」 

望晴捉住我隻手，起勢咁fing，fing到就黎斷咁滯。 

個死人黃穎希，我好心問候佢又係到hea我! 

愈諗愈激氣，唔鬼想番屋企。 

「好啦好啦!我上黎幫妳睇睇部電腦阿! 」 

我答應左佢。 





「好耶!快D行啦! 」說罷就即刻撓住我咁行。