果個女仔做咩一直係到望住我: 17

「美國隊長真係好靚仔阿! 」 

望晴捉住我手臂，望住我雙眼咁講。 

「乜係咩?咪又係一個普通男星。」 

我不以為然，對佢個樣其實無乜興趣，反正我係直既。 

老老實實，睇戲咪睇戲囉，點解成日都要係到講講講啫。 



做得明星，邊個唔靚仔靚女呀。 

不過咁，佢既身型的確係好好丁，所以我每日都朝住佢既身型而奮鬥。 

「哈哈，妳個肚咕嚕咕嚕響啦!快D搵野食啦。」 

「咩啵!咁人地遲起身嘛，冇食早餐嘛。」 

望晴嘟長個嘴，雙頰稍紅，相當可愛，但遠遠不及黃穎希， 



黃穎希嘟長個嘴簡直可以輕鬆秒殺所有男性。 

「pizza hut啦好唔好? 」 

我指指前方不遠處既pizza hut。 

「就咁話啦!記住阿!係你請架! 」 

望晴隨即跳跳窄窄咁跑左入去。背影的確係幾靚，青春活潑。 



不過相比起黃穎希，望晴都係差十幾皮。實際差係邊其實我都唔清楚，不過黃穎希真係eye –catching好多。