欠債還情，天公地道: 一班西神

其時，係一個唔知邊度既國度裡面，有一班我地稱之為「神」既東西，圍住一個水晶球咁既物體，興高彩烈咁討論緊一Ｄ野。
 
「喂～孟婆，你上次果件詹正中遇返果個思娜啦，你點睇？」
 
「咩點睇姐，開盤囉。我都係買返同上次一樣：五世做畜生，我唔信有男人可以信守所謂上世既承諾。」孟婆用低沈既聲音講。
 
「喂，咁唔公平喎！個男人上次屌走左土地公，搞到而家仲柒下柒下唔知要做咩咁。」一名西方死神用唔咸唔談既廣東話講。
 
「睇開Ｄ啦死神哥，做左幾百年死神你仲同我講公平？你去索命果時有無理過「公平」呢兩個字呀？」孟婆反問：「你下下要公平，我好難做架喎。」
 




突然，一個揸住把弓箭既BB仔飛過黎，講：「咁啦，話晒今次個盤口都同愛情有關，等我落去試多次提醒下條柒頭啦。如果唔係，我怕大家都睇得好無癮。你地諗下，今時今日既愛情觀，Ｄ靚仔十歲八歲就學人去搞野，加埋條柒頭有上世記憶，要滾女話都無咁易啦！如果唔提提佢既話，我怕大家睇多幾年就無野好睇啦！咁咪浪費晒孟婆冒險黎娛樂大家既一片苦心？」
 
「唔得！條靚仔咁撚串咀，我要睇佢五世都做狗！」土地公大聲反對。
 
「土地，條靚仔而家做香港人，仲要做一個無家底既香港人，佢都已經慘過做狗啦，你又何必咁激進呢？再加上如果你唔係比人串兩句就發晒老脾咁走左去，而家都唔洗邱比特BB去執你手尾啦。」雅典娜女神溫柔地說道。
 
「屌！你地D西神。」土地怒罵，但又無理可駁。
 
「咁啦土地，我落去比貼士條友果時順便幫你出返啖氣啦，你幾廿歲人唔好成日咁勞氣啦～」邱比特邊說，邊消失於國度的盡頭處。
 




「屌！你地D西神……」土地公口裡雖屌，佢都總算落左半道氣。