欠債還情，天公地道: 氣量小的土地公公

係嬰兒期果幾個月裡面，我深深咁感受到生命成長既威力。
 
我睇野愈黎愈清晰，講野都愈黎愈流利，聽野都聽得好清楚，動作亦愈黎愈流暢。
 
有一次，我個工人姐姐將我獨留家中，落左樓買野既時候，我就偷偷地試下我對我身體既掌控力。
 
嘩，唔試尢自可，一試就知龍與鳳。
 
區區幾個月大既我，竟然可以企到起身，仲一邊講粗口一邊耍晒成套工字伏虎拳！
 




可能係我腦部發展太快，導致我連肌肉發展都比平常既小朋友快。
 
但我知，我唔可以咁輕易展示我既能力出黎。
 
因為物極必反。
 
如果我一開波就咁出位，我既人生必定唔好過。
 
人怕出名豬怕肥，我要忍！我要係我廿幾年既青春入面好好建立我既未來！
 




唔可以因為一時要出位，就誤大事。
 
諗到呢度，我就慢慢爬返上我張BB床，慢慢思考下我成個人生既計劃應該點行。
 
諗下諗下，我又訓著左。
 
「陳惜，你終於都黎啦。啊，可能我應該叫返你既本名，詹正光。」有一把低沉既聲音將我叫醒左。
 
「你係邊個！」我嚇到成個彈起身。
 




一彈起身，我先發現自己變返做一個成年人───詹正光
 
係我上一世既身份。
 
張BB床當然容納唔到我，我為免整爛張床，所以立即就跳左落地。
 
有時我都好佩服自己作為香港人既適應力，係呢個咁既時候我仲關心張BB床既死活。
 
「我係一名頑皮既神，好多人會叫我做土地公。」
 
「哦…土地公丫嘛，我細細個就拜你架啦，點呀？有咩關照呀？」
 
「你又幾好野喎，你唔驚架咩？」土地公用好奇既眼光望住我。
 
「有咩好驚？我由大個人變返做BB仔，仲有一個以前成日同佢搞野既八婆做我老母，我仲有咩可以驚？」




 
「喂，我話晒都神黎架，你尊重下我好嘛？」
 
「唔尊重你我就晨早打柒左你啦呀土地公，都話我由細拜到你大咯……到底你搵我咩事呀？」
 
「拿，本來上頭就落晒柯打，話要睇下你今世做唔做得返你承諾左既野。如果做唔返，你就要輪迴五世都去做畜生。我見你條友咁慘，本來就想黎比貼士你既，正所謂做人做狗自己決定。但既然你咁串咀，咁就算啦。你自己慢慢玩啦～」
 
「喂！土地公！做咩事姐到底！我今世要做Ｄ咩呀喂！」我急急腳補鑊。
 
「屌你啦～自己慢慢玩啦仆街！」土地公舉起兩隻中指，一下子就消失係空氣之中。
 
DAMN IT，幾廿歲人仲咁小氣。
 
醒來，我又變返做一個鐘意食奶奶既小BABY。