欠債還情，天公地道: 思考

唔覺唔覺又1 DAY。終於，我思考到問題既重點：
 
點解我會無啦啦投左投左胎既呢？
 
既然我投得胎，姐係我應該係死左啦。
 
咁我係點死既呢？我少少印象都無。
 
「上一世」所有既野我都記得，我係唔記得我係點樣死既。
 




仆佢個街慌死唔係果碗「孟婆湯」係偷工減料野咩，屌！
 
不過～根據我上世睇咁多小說既經驗，我知我今世一定可以飛黃騰達。
 
所有由小學到大學既知識我都熟到不得了，因為上世我作為一個老師，我根本成世人都係不停係度LOOP緊呢堆知識。
 
而家我承繼晒呢個SAVE黎玩二週目，仲邊有人夠我玩～哈哈哈哈哈！
 
VICKY：「BB做咩咁開心呀？係咪知道就黎到屋企呢？」
 




吓？屋企？
 
我望住面前既果間公屋，心中不禁倒抽一口涼氣。
 
「遲下大個仔咪無雞脾食？」我心諗。
 
喂大佬，我上世話晒都住緊我老豆幫我比首期果層居屋丫仆你個街，點解今世我要DOWNGRADE既喂？
 
VICKY：「BB，媽咪無用，未必比到最好既野你，不過你放心，我一定會鍚晒你既！」
 




VICKY好似睇穿左我諗咩咁，一野就咀埋黎我度。
 
正路我應該扯晒旗，但因為我用左尿片，而塊尿片就阻住左我，所以都係算啦。
 
不過，出左世成幾個星期咁耐，我都未見過我老豆既喂？
 
爸爸，唔通你真係唔要我？