那些年，當香港仲係百鬼夜行既時代: 9.達德小學VIII -- 蠱毒剋星II

就係當我就同群蟲接觸時，我放出我頭先所捉既個條蛇。再配以我手中既符。 「五行有道，無物自燃，神火天焚，惡鬼盡退!燎!」手中符颼一聲就自燃起黎。 蠱師口中唸唸有詞，睇黎已經做好迎擊既準備。 真蛇向蠱蟲狂奔，而我手中既火蛇就神態驃悍，直指個蠱師而去。 我明顯見到D蠱蟲分開左兩部份，不過一大部份係迎擊我手中火蛇，一小部份係抗擊強襲而至既蛇。  火蛇揮舞之處，就有唔少既蠱蟲被燒，但係僅僅係咁。佢地並無比我既火符燒死。呢點亦係我預計之內。我都恃住有土地護身而一路狂奔，蠱蟲對我既傷害細左好多，即使D蟲咬到我，我都唔覺痛，只係覺得有得痕。我好快就到蠱師既跟前。我決定同佢埋身肉搏。就我既印象中，蠱師都只係識玩蟲，玩藥理，佢地本身既戰鬥力一定好低。可借，我錯了。我拳頭都未伸出，蠱師既拳風已至。下一秒，我就成個人訓左係冰冷既地下，仲見到有隻紅色既螳螂係我眼前走過。 「唔好以為一定係雲南人先識蠱!泰國人都識!」

下泰國人!?泰國人唔係打...打泰拳架咩...大鑊。 再一拳，我成個人向後如箭離弦般飛去。我爬返起身，眼尾望望真蛇個邊。嗯，呢一拳值得，雖然計劃甲中並無我比人打到訓係地下呢一部份，但係其餘部份都按軌道行進緊。蠱師乘勝追擊，想再痛打我一身。 「蠱師，你睇你D蟲先再打啦。」我開口，手指直指蛇個邊既戰況。 「哼...你個小鬼。下!嘰哩古嚕!」原諒我，佢講泰文，我唔知佢想表達D咩。我諗，大約係「點解會咁」咁上下掛。 「點解...點解你條蛇會...會食哂我D蠱，仲可以生勾勾係到!?」 「哼，你以條蛇我自己拎黎?條蛇係呢到捉架!毒物出沒之處，七步內必有天敵!呢條蛇就係你班蠱既剋星!」