那些年，當香港仲係百鬼夜行既時代: 6. 達德小學V -- 失效

請土地上身既用途其實係用土地鎮守大地既特性，去吸取附近既法力或者靈氣。我請土地上身係因為我想試下可唔可以飛頭蠻身上吸佢既靈氣，當然最壞打算就係飛頭蠻根本唔係正常道佛家既野，所以根本唔會有靈氣係佢身上。 當我一請土地上身個時，我就發覺我法力猛漲。除左附近有精，靈，妖，唔係唔會有咁強既靈量比我吸取。我諗到既唯一來源，就係隻飛頭蠻! 就係呢個時候，隻飛頭蠻真係好似衰弱左落黎。佢本身可以係半空中定飛，但係依家竟然有D上下擺動。哼，頭先追得我咁過癮，今次就收死你! 我舉起手中自製既網，認清目標，一路直竄過去。飛頭蠻都知我想捉佢，佢都不甘示弱，都一路直衝過黎。我舉起手中既網，佢伸出口中既脷。「碰!」我比佢撞飛左出，鮮血從咀角溢出。點解會咁大力架!?一個人頭咋喎!睇黎要智取。 「咳咳咳!好痛呀走呀瑤!隻野好勁呀!」我張口大嚷，又扮咳，希望學諸葛亮咁打反擊。雨瑤自然會嚇親架啦，但係個頭睇黎真係想乘勝追擊，佢雖然繼續不停比我吸緊法力，飛過黎既速度由紅VAN變林寶，但係個速度係人眼中仲係非常高速。我見佢就黎到，就立時舉起手中既網一下笠落去! 可惜，佢避開左，仲飛離我遠左。睇黎我呢個反擊唔得手，引起左佢既戒心。估唔到，一個死人頭都返D智慧。我再次運氣，淨空思想。抽出一張符紙，再次以急速既手法寫左一張符。寫符基本上可以話係我地御鬼門既全部，無論請神，召鬼，借地，所有野都有符。當然去到我師爺個輩就唔使下下用符幫手。所以寫一D基本既符我有信心可以好快，加埋土地既幫手，我用左兩秒已經寫好左張符。 我手執黃符，一邊大喊，「九九輪轉，凶者必滅，天地合我，暫借天上天下雷火!離!」 天上響雷不絕於耳，雷箭不停劈落地面，有D地方什至因為高電流而燃燒起黎。 不過可惜既就係，呢D事只係發生學校範圍外。點解會咁架!? 個頭好似見我方法用盡，不急不緩咁又去我飛黎。比起剛才，個頭更增添一絲詭笑，一絲恐怖。 罷了!同你死過!我一下抽出插係腰間既短棍，一手持棍，一手持網。深呼吸一下。 「上呀!」