那些年，當香港仲係百鬼夜行既時代: 16.嘉賢臺IX – 八旗護法

「八方靈妖領命!來者斃之!」師父厲喝一聲。身旁八個黑影同時飛出! 只見十六個身影空中飛舞交錯，地上激烈交戰。我仲好似隠約見到燕子、狼、牛、老虎等既身影。 黑白無常，執刑鬼或者女鬼手下既鬼都不約而同避開呢個「凡可見，皆可殺」既刑場。 不消一陣，雙方人物都有條不亂咁分返開。因為雙方都損失慘重。 女鬼既八旗護法死剩三旗，分別係上三旗既正白，正紅同正藍。眾小鬼立於側。 而師父個邊就得返一隻老虎，狼同牛。黑白無常同執刑鬼立於後方。 「你這個反賊倒有點實力，三旗護法領命!本大人拜你們為鎮壓將軍，統領眾鬼，滅殺反賊!」 師父無講野。只是望住隻女鬼。 身由始至終都係無郁過。「八方靈妖領命!來者斃之!」師父始終唔肯先開戰，佢只係守。 女鬼既三旗護法同群鬼張牙舞爪向住師父衝過黎。師父既七八爺，同埋D動物都郁啦。 師父既老虎一馬當先撕殺左一隻鬼仔，為呢場戰爭再開序幕。 兩幫人馬再次殺成一群，睇黎女鬼都真係出真實力，因為佢身邊一隻護法都無。 咦，一隻鬼都無?好!擒賊先擒王，等我出手分散佢注意力! 我踏起罡步，結起手印，淨空思想。 「一切皆命，天不可違，人鬼不犯，六道輪迴，淨空一切，速回其道!」咒語剛完，我咬破中指，用自己中指血為引，含住一口氣，就就地寫咒。咒在心中又那要符紙? 寫完最後一筆，我已經幾乎用盡我既心力，因為寫符係要一氣呵成，斷左就視為失敗。 用天眼睇，地上血紅既符咒閃出光芒，好立體。 「是誰在騷亂我控三旗護法!?小子是你?!」女鬼怒不可遏，眼神透露出一絲怨氣。 「正義必勝!正義必勝!正義必勝!」我V字手勢對住佢大叫。依家諗返...我係咪弱智.... 「勝負彈指間，清鬼，吾嬴了。」師父講。 望返戰場個邊，因為女鬼頭先分一分左心，所以佢無操控到戰場既三旗護法，咁三護法自然就無操控眾鬼。就係呢刻間，三旗護法就比師父既動物，無常佢地轟殺成渣。 女鬼塊面愈黎愈紅，睇黎有D惱羞成怒。身影倏地一動，聲隨身影，唔使一秒，女鬼已經黎到我眼前。 「好小子，都是你!納命來!」