那些年，當香港仲係百鬼夜行既時代: 7.嘉賢臺IV – 五殿閻王

我當下跑得更加快，因為鬼都有好多種，如果眼中流出血淚既，師父講過，佢生前一定有莫大既哀怨，所以再喊出黎既都 唔再係普通眼淚! 終於到大門啦! 我急不及待咁推開嘉賢臺既正門。嘉賢臺既佈局好奇怪，因為佢本身係職員宿舍，所以一樓係大堂，二樓開始先係房。所 以一樓係幾空曠，只係得幾條柱，所以我地用左唔使兩分鐘就跑返返去度門到。 但係一推開門，我地見到既唔係嘉賢臺前面既一塊空地仔，我地竟然見到另一間大房!大房既盡頭又係另一度門! 我立時停低左。 我拖住既雨瑤佢竟然無鬆開我既手，因為佢都比呢個場景嚇，但係我都唔拖得佢好耐。因野人一聲既大呼，佢就甩開我隻 手。 「無理由架!點解又一間房架!?」 我回頭一望，抬轎既鬼已經又郁返，鬼新娘都已經上返轎。 「唔好諗咁多!盡量遠離佢地先!」 當我想拖返雨瑤再跑既時候，佢已經一馬當先走左... 至於野人，唔使講當然拖住可盈啦。可盈又比佢拖喎。 算，衣家唔係諗呢D既時候。三十六計，走為上計! 但係往往世事都唔係咁盡人意。當我地再推開個度門時，又係只見另一間大房! 如是者，我地過左一度又一度既門，過左第八度門時，去到第九間房，我地終於頂唔順，坐低休息下。 「我地係咪會死係呢到....我唔想死呀...」野人驚到就黎喊佢黎，但係又礙於可盈係到，又唔可以表現得太驚。 「無事既放心啦!」雖然口裏說不，身體卻很誠實，我都開始流冷汗。 我慢慢綜合返件事同我對鬼既認識，嘗試推論返成件出黎，再搵出解決方法。 嗯....鬼嫁...抬轎...八度門...九間房...房既擺設都有D唔同...鬼遮眼...嗯....地府...地府!? 唔通... 有可能! 「野人，帶佢地喱埋先!我可能有方法搞掂佢地!千其唔好再去下一度門!」 我回頭同野人講，然後自己就衝返轉頭，向鬼新娘既方向跑去。 好彩身上有黃紙...無朱砂都可以用血頂住先既。我當下就咬破自己既手指，一路跑，一路寫符。 我好快就跑到第五間房。 我無第一時間抽出道符，反而大聲唱頌破地獄咒:「茫茫酆都中，重重金剛山，靈寶無量光，洞照炎池煩，九幽諸罪魂， 身隨香雲旛，定慧青蓮花，上生神永安 !」 唱左一次。周遭事物依舊，依然萬籟無聲。 我唔放棄，決定再唱一次。 「茫茫酆都中，重重金剛山，靈寶無量光，洞照炎池煩，九幽諸罪魂，身隨香雲旛，定慧青蓮花，上生神永安 !」 語音畢落，就聽到一把渾厚既男聲大喝，其聲音之大，令人震耳欲聾，D回音係間房久久不散。 「何人敢於五殿閻羅前撒野!速上前領罪!」