那些年，當香港仲係百鬼夜行既時代: 1.楔子

我叫上官一，點解我個姓咁霸氣，但係個名又咁簡單呢?其實係因為我老豆老媽子都係一個文盲。
一個叉燒飯仲係$1.8一大盒既年代既人係咁架啦，唔識字咪跟大細排囉，咁我係最大所以咪取名「一」。
細細個既我係住係圍村入面既，你地見到就拆既薄扶林村咪係我故居囉!
老豆老母當時都出去搵食，無人理，結果搞到當時既我掛住玩，完全無心向學。
遲到?有返個日一定遲!走堂?經常啦!成績科科見紅?不如你問我張成績啲數字幾時黑過!
但係所有後續既事都係因為返學而起既....


某年既炎夏天就係成個故事既開端。
「一仔!」正當15歲既我啃住個雞尾包施施然咁行緊返學校個時，有把聲係後邊響起，sorry，應該係咆哮。




「早晨喎黑仔。」我擰轉頭，當下映入眼簾既，係一個同班又高高大大又黑到成舊炭，一睇就知係運動型既男仔，佢叫做林銘。
「今日做咩返學既?」黑仔咁問。
「好學生緊係要返學啦。」我竊笑道。
但係我見黑仔一臉不相信既樣，就知道佢其實唔欣賞我既幽默。
「今日有得去做探訪呀!」所謂既探訪，其實就係姐係出去玩。
探訪既形式就好似衣家學生做既OLE(Other Learning Experience)，學校就話死讀書係唔得架，去玩下outdoor activities先得。
咁有得玩我又點會唔去呢!?
其實一間村校就唔好搞咁多野啦...比啲細佬開開心心玩幾年咪算囉....咁我地今日去邊?」
雖然黑仔口裏說不，身體卻很誠實，面上都係興奮既笑容。
因為去探訪就姐係有機會出去玩!




「東華義莊下面個老人院。」