【海嘯警告，現正生效】: Ep.21

「上午九點 依家由黃維為你報道一節新聞 由於鄰近嘅輻射嚴重 無法控制大亞灣核電廠嘅運作 大亞灣核電廠今晨出現損毁 冷卻裝置停止運作 引至廠內既核反應堆開始過熱 不斷累積壓力 發電公司正在研究方法幫助發電廠減少壓力 以免造成爆炸⋯⋯」

「嘩屌⋯ 又咁熱嘅⋯」
我由Office個沙發起身 而啊Sam就係對面間房
「呢度有冇叉電器？」佢行過黎問我
「喺櫃桶攞啦⋯⋯」
我在望一望嗰月曆
「話咁快已經第三日架啦⋯」
「你以為淨係過咗一日咋⋯」
「唔係 只係想像唔到呢三日發生左咁多事⋯⋯」




「發生得咁突然 梗係想像唔到啦」
「如果話返比三日前既人 肯定話我地痴撚線」

「等我試吓扭返去2734睇吓有冇講嘢⋯⋯」
「咩2734？」
「個數字電台啊 摩斯密碼嗰個啊」
佢扭左幾野 就淨發出啲噪音
「唉 好掛住屋企部機呀⋯」
「你唔帶佢返來？」
「點帶啊大佬 帶嘅話可能頭先已經俾人殺死左啦」




「OK⋯ 咁你扭唔扭得返嗰個台啊？」
「依家係咪嘗試緊囉⋯」

終於 俾佢扭到嗰個台
「屌⋯又係摩斯密碼」
「等陣 等我mark低⋯」
佢錄低咗 然之後mark低左依埋野
「.---- ...-- ...-- --... .- ..--- ----- / ----- ----- ----- -----」
「即係點？」我問佢
「唔好嘈我啦 我仲喺度解緊⋯⋯」





之後 佢寫低左呢啲野
「1337A20 0000」
「咁依對數字代表啲乜？」我又問佢
「我都唔知 又唔係一埋字母⋯」
「硬係覺得佢係亂打⋯⋯」
「但係亂打播出嚟無意思⋯」
「我真係睇唔透⋯ 點解數字中間無啦啦有個A咪嘅呢⋯」
「真係要搵伽利略來⋯⋯」我講笑

呢個問題困擾左我地成個上晝 但係都完全沒進展⋯
「屌！我諗都諗到火滾啦！」我拍枱
「冷靜啲先 可能係一種密碼呢⋯」
「密碼又點會有0000呢」
「等陣 有D乜嘢有0000嘅？」




「⋯⋯年份？」
「緊係唔係 時間啊」
「咩時間啊？」
「零時零分 00:00 可能佢係指呢樣野」
「咁前面果對火星文又有D乜嘢意思啊」
「可能同日期有關 但係仲未諗到⋯⋯」
「咁有啲乜嘢數字用字母架⋯？」
「⋯代數 但係又唔似係呀⋯⋯」
「剩係得代數⋯⋯」

「唔係 我突然間諗起啦！」
「咁係乜嘢？」
「十六進制！」
「咩來的？」
「常用嘅進制有二進制十進制同埋十六進制」




「咁你講重點啦」
「得十六進制有字母－ABCDEF」
「冇錯呀⋯⋯」
「攞計數機來先⋯」
我攞起我抬頭個計數機比佢

「MODE3⋯ 1337A20⋯ DEC⋯搞掂！」
「20150816？」我望住計數機講
「全文即係－20150816 0000」
「係日期同埋時間⋯⋯」
「今日係14號 星期五⋯ 即係兩日之後？」
「咁兩日之後發生咩事呀？」