【海嘯警告，現正生效】: Ep.20

「晚上十點 依家由張浩軒為你報道一節新聞 前往香港島救援嘅解放軍稱 發現一名生還者 該名生還者係一名自由行旅客 解放軍表示 該生還者只受到輕傷 目前並無大礙 解放軍表示會繼續搜索香港島嘅生還者 並會全力協助⋯」

「好彩佢哋冇走上來啫⋯」
我哋上返去56樓 搵咗幾塊威化餅當晚餐來食
「睇呢啲咁嘅時勢 最好都係唔好落去⋯」
「咁又係 都唔知佢哋唔會返嚟」
「講真 其實你有冇諗過搵埋其他人組team？」
「組team？你認為佢哋會合作咩？」
「同你組得team既就合作架啦」
「梗係唔係咁簡單啊 你有冇玩過walking dead？」




「梗係有 但係呢度唔同呀嘛」
「有乜向左走向右走嘢唔同遮 有啲人為咗利益會背叛你 有啲人認為你背叛佢」
「係你諗到咁黑暗啫⋯⋯」

「我問你 一個人如果搵到逃離香港島嘅方法 佢會話俾人聽 定係會自己走咗去？」
「咁佢應該⋯⋯」
「一定會自己走咗去啦 一個人走對面啲人都唔會發覺 一堆人走容乜易成隊人都俾人殺死？」佢未講完我就插嘴
「你咁看重利益既 咁你頭先做乜落嚟救我？」
「⋯⋯」我突然間靜咗
「呢啲咪team work囉 我亦都相信你如果搵到方法走嘅話 你一定會話比我知」




「⋯⋯」我無言以對
「如果呢個世界就剩係得利益 我哋一開始就唔會做朋友 我亦都唔會講咁多數字電台，咁多機密俾你知」
「⋯⋯⋯⋯」講唔出任何一句說話
就等同好似俾佢刮咗一巴咁


「⋯咁如果你搵到方法走嘅話 你會話比全香港島嘅人聽你搵到方法？」我終於開口
「⋯⋯咁又唔會⋯⋯」
「⋯⋯咁你始終都要衡量利益同埋道德嘅⋯⋯」佢繼續講
「⋯無理由你講左比其他人聽 最後連自己都走唔到架⋯⋯」




「咪係囉⋯ 」
「如果呢度係一team人既話 頭先嘅情況其實一早已經用咗武力來解決」我繼續講
「所以都係唔好組team 如果唔係好麻煩」

突然間 我個電話又響⋯⋯
「你個電話呀？」
「係呀⋯ 原來承哥又打電話來 喂？」
「喂 你最好快啲走啦」
「咩事呀？無啦啦叫我地走？」
「你等我一陣 我搵個安全啲既地方講先⋯」
「係唔係又關輻射事架？」
「唔係呀 仲嚴重過輻射⋯」
「咁係乜嘢先得架」
「到啦⋯ 好啦聽住啦⋯」
「我頭先去到紅磡 係講解放軍啲人收到話聽日會入嚟香港島」




「入來咁又點？啲逃犯都已經清理晒成個香港島啦」

「今次唔同 佢哋過嚟係要放炸彈 將逃犯同埋喺香港島啲人一了百了」
「⋯點解要咁樣做呀⋯」
「好似係話你哋污染左佢哋⋯⋯