【海嘯警告，現正生效】: Ep.15

海嘯警告，現正生效。 vol.15

「上午九點 依家由黃維為你報道一節新聞 解放軍正前往香港島展開救援 並希望能夠幫助香港度過難關 特首梁圳英表示 香港正在渡過一個艱難時期 大家應該同舟共濟、懷着不屈不撓嘅獅子山精神渡過逆境 而且佢重申 自己無法返港並非因為香港發生天災人禍 而係因為個人健康出現問題所以暫時滯留喺北京 亦表示希望能夠盡快返港 香港入境處收到共150萬人申請移民至其他地方 其中以美國同埋加拿大最多⋯」

「⋯Hi Hi呢個邊度嚟架？」
我由我病床都爬起身 望咗一望出面嘅景
「…呢度邊度黎架⋯⋯」我完全分唔出出面究竟係邊度

「这里是屯门」
突然間 我隔離出現咗一個着住軍裝嘅人




「这次辛苦你了 同志」
同志？我唔係紅衛兵喎⋯
但係聽到佢重重嘅大陸口音 都知道佢係內地人
但係內地人又點會落到黎屯門呢⋯
「⋯謝謝」我應佢
「听说你在工作期间晕倒了 然后有位姑娘运你到这边来」
「⋯是的」
因為我都曾經同內地人打交道 所以我都識得啲普通話
「那你休息一下吧 有事再来找我」
「好的⋯」




睇嚟佢應該當左我做佢哋嘅一份子⋯
睇嚟係我暈低咗嘅期間 都發生左好多野⋯⋯
「係喎⋯ 打吓個電話俾佢先⋯」
「喂搵邊個？」
「係我呀 承哥呀」
「我之前睇緊打俾你都唔聽啊？」
「因為我之前暈低咗⋯ 聽唔到你電話」
「原來係咁 我仲要為你有咩事添⋯」
「喂話時話 究竟係我暈低左嘅期間發生咗啲乜嘢事？」
「一言兩語好難同你解釋個喎⋯」




「我淨係要懶人包嘅啫」
「哎咁我一次過講晒啲重點出嚟啦⋯ 」
佢講完一堆野之後 我都仲係一舊雲⋯
「下即係點呀⋯」
「咁你而家點呀？」
「我而家比班好似解放軍嘅人當中做佢哋嘅一分子⋯」
「咁你咪可以有內幕話俾我聽？」
「喂大佬 我啱啱先醒咋 我連行都未行出去⋯」
「喂我又有電話入啦 你有事再打過嚟啦」
「喂邊個呀？」
＊收線＊
「頂你⋯ 我都未講完」
「唉⋯ 都係出去行下 呼吸下D新鮮空氣⋯」
我由床到起咗身 行出房門





正當我諗住行出門口嗰陣時 個解放軍同我講
「要出去的话请先穿上这个」去手上攞住厚厚嘅保護衣
「為什麼⋯？」
「那还用问 外面的辐射强得很 不穿上这个的话会很严重的」
「好的好的⋯」
「这就是为什么我们要杀光这边的人」
「殺光這邊的人⋯？」
「对呀 不然我们在这边干嘛」
「好的⋯ 那我出去了⋯」
「那你自己小心了 特别是那些人」
「嗯⋯⋯」