【海嘯警告，現正生效】: Ep.6

「凌晨三點 依家由黃維為你報道一節新聞 呂宋海峽發生9.8級強烈地震 引發既首波海嘯已經抵達華南沿岸 本港多區出現嚴重水浸 本港多條海底隧道亦受到嚴重破壞 來往港島交通中斷 鐵路服務亦受影響 另外有消息傳出 指嶺澳核電廠2號機組受到損毁 而政府稱尚未接獲相關消息 呼籲市民勿信謠言⋯」

「上車啦！仲影乜鬼野呀！」巴士司機大叫
「得啦 你等我影埋張自拍先啦⋯ Hi Hi唔夠光！」
「Hi 你你再唔上我開車架啦！」
「得啦 你頂唔順你咪開車先囉 小心我第時告你呀！」
「呀Hi 你呀 你以為我驚向左走向右走左你呀！」司機講
「開車啦！唔向左走向右走洗理呢個八婆架！」其他乘客開始起哄
「Hi Auntie你頭先講邊個係八婆啊！」佢老公突然間衝入來
「係我呀 你條氣唔順呀 打Seven我啊！」




「你以為我真係唔敢架喎⋯⋯」
「好啦咪向左走向右走嘈！ 要打出去打！咪向左走向右走阻住我開車！！」司機嘅聲線大聲到成條穚都聽到
「你夠膽你就開車！小心我打到你⋯」
佢都未講完 個司機已經拉盡油門
同佢理論嗰個人企唔穩 一野跌咗出去門口度
「你要搭巴士就等下架啦！」
「做得好！啲咁嘅人唔應該搭巴士」其他乘客講
而搭唔到車果兩公婆 繼續係後面謾罵個司機
而車箱裏面嘅乘客依然討論緊頭先件事
「啊你話嗰個男嘅會唔會搵我哋算帳呢？」




「你諗咁多做乜野姐⋯」

過左一陣間 車廂又回復平靜
我返去上層果度坐 繼續聽我首歌
聽聽下唔覺意瞓着咗⋯⋯

「下一站係 新時代廣場 The Next Stop is YOHO Town…」
我聽到之後醒咗 但係我望一望出面
「⋯吓⋯到站架喇？」
外面嘅公路全部浸滿水 而我係天橋上面 唔上唔落…




「要落車喺度落 架車冇得再駛前去」司機講
「咁落咗車之後點算啊？」
「點知你地呀 總之我呢架車要揸返廠」
個司機係博愛醫院放低左我哋之後 不顧而去

我住喺屏山 每日出市區都係靠輕鐵
雖然速度係慢咗啲 但係好過搭貴價巴士出市區
所以老婆成日都係我提議 「不如用單車啦 又健康又平」
但係其實我隻腳有關節炎 唔做得呢啲運動
所以我一直都反對⋯
依家 我見到嘅就只有輕鐵既電線桿
水深至少有兩層樓高 有啲行人同行車天橋都變咗做孤島
元朗大馬路直頭變咗做水上威尼斯
兩邊嘅樓宇中間 變咗做運河
一個個皮箱浮喺水面 貌似大部份都係嚟自藥房同埋超市




而且眼見有好多舊樓都被海嘯仲破左
我就開始擔心⋯

我所住嘅樓都已經有40年樓齡
棟樓都有七八層高 而且都好耐冇維修過
上一次搭晒棚架 但係原來只不過幫層樓外皮翻身
根本無實際做過啲乜⋯⋯
我好驚我嗰兩母子會出事⋯
我再打多次電話比佢

「喂? 你地有冇⋯」
「對唔住 電話暫時未能接通 請係＊咇＊一聲之後留低口信」
「hi！又打唔通！」我個刻真係好想擲走部電話 好彩我制止左自己咁做

「先生 你冷靜啲啦」突然間有位護士同我講




「或者你係臨時庇護中心搵到佢哋呢」
「咁臨時庇護中心喺邊度架？」我好激動咁問佢
「你冷靜啲先 而家臨時庇護中心多數係學校同埋醫院 我哋醫院都有一個⋯」
佢講都未講完 我就立即衝出去搵

「喂先生你去邊啊 後面先係庇護中心呀！」