【海嘯警告，現正生效】: Ep.5

「凌晨二點半 依家由黃維為你報道一節新聞 呂宋海峽發生9.8級強烈地震 引發既首波海嘯已經抵達香港 維港兩岸嚴重水浸 新界西及大埔至馬鞍山一帶亦收到水浸報告 海嘯亦波及本港多條主要公路 包括青山公路及海底隧道等 醫管局表示 各區醫院已經增派人手 並出動飛行服務隊全力搜救被困嘅民眾⋯」

「出面黑孖孖都唔知睇乜⋯」
我望住出面漆黑一片嘅維港 恍似舉行緊熄燈一小時⋯
心裏面一片空白 真係唔知應該做啲乜⋯

我個女友—啊米 住喺青衣 坐車出黎搵我都叫做容易
但係佢都好耐冇出過黎搵我 反而係我搵佢多
咁又係嘅 冇理由每次都要女既出嚟搵我
話時話 我都好耐無同佢一齊行香港島⋯





「你嘅電話暫時未能接通 請遲啲再打過啦⋯」
「都打左十幾次電話架啦 仲未接嘅⋯ 會唔會出咗事呢⋯」
係我呢個位置 睇唔到青衣
更何況喺停電嘅情況之下 望到嘅只有街燈⋯
當我系度觀察緊環境嘅時候 我開始見到天空嘅星星
我抬頭一望
「Hi 你呀 咁向左走向右走靚嘅⋯」
原來當城市嘅霓虹燈熄晒食之後 就剩低天空喺度發光
比起嘩眾取寵嘅LED燈飾 簡簡單單幾個星座都比佢靚




比起眼花撩亂嘅展板 漫天星際既景象俾佢靚十倍
依個維港雖然好陌生 但係又似曾相識
呢個情景 我就淨係太空館見過…

突然間 我電話響起左
「一定係啊米打電話返嚟」我心諗
「喂？」
「喂？啊Ken 你有冇事呀？」原來係承哥⋯
「冇事呀 我仲係棟大廈度 不過就停晒電⋯」
「哦你無事就好啦 依家個個電話都打唔通 得你先打通」




「咁神奇？咁你依家係邊啊？」
「我滯留咗係汀九橋呀⋯」
「即係你已經過咗海？」
「冇錯呀 有咩問題？」
「我聽新聞話個幾條過海隧道包括地鐵粿條都受到破壞喎⋯ 咁我陣間點樣返去呀」
「搭船返去囉⋯」
「最弊係碼頭比水浸左 連船都鏟埋上岸呢⋯」
「搭直升機囉！」
「呢個時候仲同我搞笑？」
「OKOK sorry 咁無辦法架喎 你係游水返去囉⋯」
「我都唔識游水⋯⋯」
「咁我真係幫唔到你啦⋯ 所有嘢都浸咗入海水度…」
「咁我咪被困係香港島？」
「算係啦⋯ 喂 唔同你講住啦 前面通翻車 我要上返巴士啦 拜」
「喂？喂？⋯」




*收線*
「咁我點算呀⋯⋯」

「⋯依家氣溫 20度 相對濕度百分之82 海嘯警告及強烈季候風訊號現正生效 由香港電台報道依節新聞。」