【海嘯警告，現正生效】: Ep.3

「凌晨一點半 依家由黃維為你報道一節新聞 呂宋海峽發生9.8級強烈地震 引發既海嘯造成台灣及菲律賓多人死傷 其中大部份都係漁民及村民 其海嘯亦波及華南多個沿岸城市 包括本港 管理大亞灣核電廠嘅中華廣東核電集團表示 已經做盡一切準備措施 並且聲稱該核電廠堅不可摧 可抵受十米高既海嘯⋯」

我好奇咁走左去公司嘅落地玻窗睇吓
「Hi…都唔知係咪真嘅 又話半個鐘頭後到 都冇嘢發生…」我望住遠處既維港
我公司位於中環 返工都叫做好方便
對我來講 我幾乎日日都見到維港兩岸
差唔多日日都一樣 返工放工 習以為常

直至 我開始見到遠處有條白色線
「嗰個係海嘯？ 唔好同我講笑啦⋯」




一開始只不過好似好過同一個浪
後來越來越近 尤其係夜晚 格外明顯…
我見到維港兩旁有啲人喺度望住佢嘅來臨
雖然太遠聽唔到佢地講乜 但係想像都可以想像到

「⋯天文台警告 切勿站在岸邊 立即走到高地 以免造成不必要的傷亡」

我見到果波海嘯慢慢進入維港 我先開始驚⋯
「Hi Hi啦⋯」望住嗰波海嘯一路前進 完全無暫停嘅跡象
佢鏟上陸地個一刻 我就知道企係岸邊果啲人無一幸免⋯




「Hi 一陣間點走好呢⋯⋯」
我完全放低左手頭上嘅工作 呆望住出面嘅海嘯
就好似日本311海嘯果時咁
唔同嘅係 海浪係由東向西咁掃過嚟
我隱約咁見到紅磡果面慢慢俾海嘯淹沒
我簡直唔相信自己嘅眼睛
「我肯定做做下野瞓着咗 發緊夢⋯」
但係事實同我講 我只不過逃避現實

我見住啲浪逐步靠近我呢度 我考慮逃走




「但係走既話 下場可能同係岸邊啲人一樣⋯」
不過唔走既話 我可能會斷水斷糧…

經過深思熟慮之後 我決定留守係56樓
「我唔想咁快就落去送死…」

個波浪開始喺灣仔上岸 我亦都知道
我都唔會避得過海嘯覆蓋嘅命運⋯
每條街道 每個路口 慢慢咁比海水佔領
好彩今日我架車拍咗係停車場 如果唔係就同出面啲車一樣⋯
呢個場面好震撼 你唔係現場你唔會感受到呢個感覺
維港一夜之間變左威尼斯 大廈同大廈之間
道路變咗河流 水深至少有一兩米

如果有人已經瞓咗 唔知道海嘯已經發生




起身果時可能以為自己發緊夢

突然間 差唔多成個維港嘅燈熄晒
我都包括在內 電纜都被破壞埋⋯
窗外漆黑一片 已經睇唔清邊度已經淪陷左

「Hi⋯⋯今晚唔向左走向右走洗訓啦⋯」