【海嘯警告，現正生效】: Ep.2

「凌晨一點 依家由張浩軒為你報道一節新聞 呂宋海峽發生9.8級強烈地震 地震造成台灣及菲律賓多人死傷 並且造成多條海底電纜中斷及嚴重受損 導致東亞區內網際網路、國際電話服務受阻 多個國外網站例如YouTube Facebook Google等網上服務受阻 通訊軟件 Whatsapp 亦受到影響…」

「你嘅電話暫時未能接通 請係*咇*一聲之後留低口信」
「Whatsapp佢哋又未復⋯ 睇來果兩母子都應該瞓咗啦… 」
「咁就無謂再騷擾佢哋啦⋯」

我坐係間靜寂無人嘅巴士度 自言自語⋯
我叫承哥 我個仔成日叫我 李嘉誠
雖然 我唔係好鍾意呢個名
但係佢每次叫我 我都應佢





今年都已經成38歲 就快要諗定退休嘅事
我老婆成日同我講 「你係咪要做文職做死一世？」
我咁樣做都係為咗供我個仔讀書啫 等佢第時唔好好似我咁頹廢

佢每晚見到我都會好開心 因為我哋相處時間好少
好少係佢瞓之前返到黎 大多數都係十點十一點先至返到來
所以我盡量都係搵錢同埋相處之間搵個平衡點
但系 我又唔忍心第時佢又重蹈我既覆轍





「咁靜⋯ 都係聽下歌先啦⋯」
就係咁 《我和春天有個約會》係我耳機中響起左
都幾岩係呢個時候聽

唔知點解巴士越行越慢
呢個時候 公路上嘅響安聲打破咗呢度嘅寂靜…
我望一望個窗 前面唔知點解好塞車
明明都已經夜深啦 乜仲有咁多人放工咩
而且我聽到樓下啲人粗口橫飛 引起我好奇落去樓下睇下⋯





「行快啲啦Hi 你 我趕住返去搵我屋企人啊」
「頂你前面發生乜向左走向右走野事呀 阻勁住晒」
「Hi電話又打唔通 又塞車喎」

「有冇人知道前面發生乜嘢事呀？」我問
「我都唔向左走向右走知啊 啲新聞話有海嘯之後 就成對人擁晒落去條路道」
「係呀 12點之後呢度好塞車啊 電話又話線路繁忙」
「海嘯？」我繼續問
「你唔向左走向右走知咩 新聞話有5米高既海嘯打到來呀嘛 仲叫人疏散添 呢度咁多人 都唔知點疏散」

我聽完佢講之後 即刻上網搵吓
「以下地區受海嘯影響屬高危：所有離島區，西貢，土瓜灣，大澳，新界西北」

「新界西北…？唔向左走向右走係呀⋯⋯」