再一次愛上沒有放下的舊情人: 六十二

佢如此大聲一叫，我同呀Wing都比佢嚇親，好彩既係我間房隔音好，出面既同事都唔會聽到

「你咁大聲做咩呀，你驚死其他人聽唔到咩」我溫柔地話佢

「嘻嘻，我玩下姐，反正出面真係聽唔到既」Karen笑著說

「下次唔好咁啦，你咁樣我幾多條命都唔夠用」

「好啦好啦，你話點就點啦」





「我都唔阻你地啦，出番去做野先」呀Wing講完就轉身離開

「係呢，你想去邊到玩呀」我問

「唔知呀，你有冇咩特別地方想去呀」

「我想去既地方大把啦，但去邊都唔係最重要，最重要係同邊個係姐」

「咁你想同邊個去」我明知故問





「唔知呢」Karen尷尬地說

「咁我再諗下啦，無咩你出番去先啦」我故意趕佢走

佢出左去之後，我就諗下到底同佢去邊到玩好

南生圍？女仔多數都怕太陽曬到有雀班，依樣唔好

沙灘？太普通啦，雖然浪漫，但依啲地方平時星期六日無野做食完野都可以同佢去架啦





海馬公園？我都好耐無去過，以前一個人又唔會突登去，之前同Karen又未去過，可以一試，而且又有機動遊戲同埋動物，岩曬女仔啦

睇戲？其實都可以睇，但要睇下有冇啲兩個人都岩睇既戲，唔係事旦一個入到去訓左就無謂啦

行商場？好地地行咩呀，搵著自己黎搞，同女人行商場，男人除左比錢同拎野仲有咩做，你估真係有得自己睇咩

再唔係食燭光晚餐？都好喎，又唔怕曬又可以浪漫，而且一次半次又唔怕我無錢

諗諗下，再唔係全部做曬都得，反正兩個星期時間咁長，唔洗怕啦

再者公司星期六日放假，就算個兩個星期真係做唔曬咪星期六日再做囉

自問唔係蠢既我，都覺得今次計畫天衣無縫

就係依個時候，Karen whatsapp我





「呀成，不如依幾日去台灣玩好無」

佢竟然唔係想留係香港，而係出國，唔通佢...

「點解既，點解你想離開香港既」我說

「無呀，咁我地拍左拖咁耐都未去過旅行嘛，咁咪想同你去下囉」

雖然唔係無錢或者唔想去，但畢竟我真係好用心去計畫我地依個假期做啲咩

依家咁比佢搞一搞，或多或少都有啲唔開心

「等我再諗下先啦」我說