再一次愛上沒有放下的舊情人: 六十一

「咩事？」我好奇地問

「咁既，我需要一個人同我去外國幫我手，你有冇咩好建議」

我諗左一陣，Karen係我女朋友我當然唔會放佢過去

而呀Wing平時一個人做兩個人既野，我更加需要佢幫我手

如果係男同事，我又唔想佢地男男出國咁難受





「一係呀Yan啦，佢都幾做得野，而且份人又好學，雖然佢份人傻傻地，但應該都幫到忙」我同Leo講

「咁好啦，你幫我同佢講一聲，話佢知一個星期後出國」

「好既，無咩做既我出番去先」說完我就轉身離開

「呀成」Leo大叫左一聲，我亦都比佢突如其來既叫聲嚇到

「做咩事」我面有驚恐





「唔好意思，我驚你係個三個月請假，咁啦，你同呀Wing同埋Karen放兩個星期假

但你同佢地兩個係我唔係到個三個月唔好請假啦，公司總唔可以無話事人，群龍無首唔係一件正常既事呀」

如此一來，因為上司出差，我又突然唔洗做，多左一啲時間同Karen二人世界

「好啦，咁我出去同佢地交代一下啦」我說

出到去，我先同呀Yan講左我同Leo既決定





「真係架」呀Yan雙眼發光咁

「有好野緊係益你啦」我笑著說

「你知唔知呀，Leo真係好有型好靚仔，如果有機會同佢一齊就好啦」

「你發完夢未呀，你同人地去做野架，淨係諗住拍拖」我拍一拍佢個頭

交代完比呀Yan之後，我就叫呀Wing同Karen入我間房

「你做咩叫我地入黎既」呀Wing問

「係囉，你有呀Yan咪得囉，叫我地入黎做咩」Karen亦搶先係我出聲之前講

嘩，人黎架？我同其他同事講句野都比人串





雖然聽到佢咁講，心裡面真係好唔舒服，但我都知女仔性格係咁

「呀Yan幾時變左我，唔講依啲，經理話放我地兩個星期假，但條件係佢唔係到個三個月都唔可以請假」

「佢咁快既咩」呀Wing問

「我都唔知呀，Karen熟佢多啲」我暗串佢，講完見佢一野打左我個頭一下

「食屎啦余志成」