再一次愛上沒有放下的舊情人: 四十八

番屋企既路程，因為Karen唔係身邊，令到我多左一點私人時間

我望住街上情人，一對對拖住手，回想起以前同Karen一齊既時候，我地都係咁幸福

以前，我地會係街追追逐逐，回想起來，不禁令人微笑

番到去，屋裡既情況令我不知所措

除左我自己既野之外，其他有關Karen既野都唔見曬





衫，同佢一齊相，所有佢既野

只見檯頭放著一封信

「呀成，我知道你好愛我，所以先會咁惡鬧我，原本我都無諗過離開

但我諗左好耐，到低我地係咪仲要咁樣一齊落去，有小小野唔合你心意既就嘈交

有時候，我只係想你企係我個邊諗下，唔好咩事都話左我先，唔好咩事都覺得自己岩曬





「我都係女仔黎，我只係想另一半了解我多啲，知道我真正需要既係咩

我坦白講，我同你一齊個陣你咁窮，學歷又唔係高，又搵唔得多錢

但點解我選擇同你一齊呀？係因為你個陣好了解我，知道我需要既係咩

「但自從你升左職之後，你唔再好似以前一樣了解我，唔知我需要咩

有時候我真係想你講下甜言蜜語哄下我，但你又記唔記得你幾耐無同我講過一句我愛你？





我始終覺得，你已經忘記左當初同我一齊個陣係點，我地係咁幸福

「我好想同你番番去個陣，你咩都遷就我，即使我再野蠻，你都唔會鬧我

但依家呢？你咩都執著住，你有冇顧過我感受呢

雖然你都有細心、溫柔既一面，但唔常見囉

若然令到雙方都難受，你又覺得我好多野瞞住你，我又唔鐘意你咁，又何苦呢？

「倒不如，分開一下，大家諗清楚，我唔想大家再一齊又唔開心

的確，同你一齊我覺得好開心，但一直以黎你比我既，除左開心，仲有不安

同你一齊，我真係無時無刻都會覺得會散，試問有邊個女仔會覺得咁係幸福





我自己諗下，你令我流過幾多次淚？

「原諒我咁自私，到你真係有心去過既時候，再試下一齊啦，我會一直等你

只要你想，我會一直留係你身邊，一直跟住你身後，好令你一回頭就可以見到我

真的，我愛你」