再一次愛上沒有放下的舊情人: 四十七

我望住呀Wing既表情由好奇，變得驚訝，再變得似是憤怒

「余志成，你咪玩啦，你有女朋友架」佢罵著我

「咁成點，佢咩都瞞住我，咩都唔講，佢咁叫愛我咩」我開始同佢對罵

「佢唔講，係因為佢唔想你唔想你唔開心呀」

「你點解要維護住佢，你唔鐘意我咩」我質問佢





佢被我如此一問，不禁再說，我地尷尬地對望左一陣

「你鐘意我，點解你係都要維護佢...」我開口打破沉默

「你地都係我朋友，我唔想因為自己而令你地分手」佢開始流淚地說

係佢心入面，要咁樣望住自己鐘意既人同其他人一齊，真係好難受

佢應該一直抑壓住自己，唔比其他人知，而Karen又成日搵佢，可叫佢煩上加煩





我有時候都唔明白，點解Karen會搵呀Wing開解佢，佢係想係佢面前示威定係佢真係當佢係朋友

講女仔，其實公司都仲有呀Yan個啲，唔需要一定搵佢

「對唔住...」我見佢流著淚，我攬住佢說

佢非旦無拒絕，反而配合我，同樣攬實我

好彩公司其他同事已經走曬，唔係真係水洗都唔清





過左一陣，佢推開左我

「點解要咁...」佢止住淚問

「咩咁？」

「點解要一腳搭兩船...」

「我...我只係想搵一個愛自己既人...」

「佢都好愛你呀，點解你唔可以比多次機會佢呢」呀Wing問

「我同你做朋友先會有好結局，你知架...」佢接著說

「知道啦」我錫左佢嘴唇一下，我知道，依一吻會係我地既第一吻，亦都係最後一吻