再一次愛上沒有放下的舊情人: 三十八

「嗨，我叫朱永傑，你地可以叫我做Leo，以後大家多多指教」那個男既入黎自我介紹說

眼前依個人，望上去溫文儒雅，似係大學畢業出黎既書生，而非我等低下學歷之流

Leo...依個名好似曾經係邊到聽過，但一時之間我又醒唔起係邊到見過依個名

不過又唔係一個好特別既名，即使其他人同佢一樣叫Leo亦都不足為奇

介紹完之後，佢就叫左我入去佢房





「你係到做左幾耐呀」Leo問

「都有四年啦」

「係呢，你個秘書Karen佢係咪好做得野架」

「係呀，佢好幫得我手架」

「咁唔知你介唔介意比佢做我秘書呢？始終以前我同佢係其他公司合作過





而且佢係到做得秘書，我相信佢會令我做野更加得心應手」

坦白講，依刻我真係百般既不願意，既唔想將一個如此做得野既人放走，又唔想自己女朋友同其他人一齊

但對方又係我上司，如此難堪既局面教我十分頭痕

「我想同佢商量一下先」我說

「咁好啦，我唔阻你做野」





我出到去，馬上叫Karen入我房

「副經理有咩幫到你」佢開著玩笑說

「咁既，Leo話想轉你去做去秘書」

Karen面色一沉，而後捉住我既手問：「你應承左佢啦？」

「我未呀，我話同你商量下先囉」

「我話你知呀，之前佢既秘書比佢非禮過，但一直唔敢出聲」

我一直都以為佢係一個正人君子，但點知佢係咁仆街

「咁呀，我幫拒絕佢啦」





佢出去之後，我想了又想，終於諗到我幾時見過Leo依個名

Leo曾經發過一個whatsapp比Karen，問佢最近點

先係Leo一句最近點，代表住佢地之前係朋友，又之後佢地無再聯絡，所以Leo再搵佢先會咁問？

再者，如果好似Karen講佢咁衰，咁點解佢地會有聯絡

一直諗，我諗唔明佢地既關係，我又唔好意思問佢，一陣佢又話我唔信佢依樣個樣

我於是撥打電話，打比我中學時期既老友

「喂，呀邦呀，呀成呀，今晚你得唔得閒傾兩句」





「屌你啦畢左業咁耐你依家先搵我，正仆街黎」

「好心你唔好咁多粗口啦」我都無佢咁好氣

「今晚幾點先」呀邦說

「我女人今晚番佢外家，我送完佢番去再打比你啦」

「邊撚個你女人呀屌」

「我到時再話你知啦」

「好啦屌，我揸車呀，唔撚講住」我連再見都未講佢就收左我線