再一次愛上沒有放下的舊情人: 十七

「呀Wing，你咁急搵我做...」我幾經辛苦番到公司，一打開門，點知一個人都無，燈又無開

只係見到我檯面有張紙，寫住：生日快樂

就係依個時候，突然全公司既燈都開曬，呀Wing捧住個蛋糕同其他同事一齊出黎

「happy birthday to you, happy birthday to you, happy birthday to呀成, happy birthday to you」

佢地唱完生日歌，自己係到歡呼，而我，仲未諗到發生咩事，自己一個企左係到





然後呀Wing走過黎，叫我切蛋糕，我見佢雙眼充滿期待，我唯有照佢咁講

切完蛋糕之後，其他同事亦都幫忙分派蛋糕

「快啲食啦，老闆就黎番黎啦」一個叫James既男同事說

我地無出聲，全部望向佢既後方

「做咩個個都望住我」James不解地說，然後轉身，發現老闆係佢身後





「你好驚比我發現咩」老闆怒氣沖沖地說

「唔係，哈哈，咁...快啲食完，快啲做野嘛」James解釋說

「食完野快啲做野啦，呀成你入一入黎」老闆並無追究，然後示意我入去

我入到去，老闆二話不說係佢檯面拎起封信比我

「老闆你想炒我呀？」我驚訝地說





「炒你老母咩，睇都未睇就咁驚」老闆發脾氣地說

我一開封信，眼中只係見到兩隻字，升職

「點解無啦啦升我職既」我受寵若驚地問

「因為個個同事離左職，公司要搵個人升上去，咁我見你肯做野，而且又做得幾好，我咪推薦公司升你上去

咁當然人工都會加啦，你出去執好啲野，搬入佢間房啦」

其實我口中既老闆，只係我地依個寫字樓最大個個，而唔係真係老闆，所以正如你地岩岩聽到咁，係公司要升人，又唔係佢要升人

我拎住封信，諗起岩岩比人玩，搞到我趕頭趕命咁跑番黎

所以我決定，玩番佢地一餐以發洩我心頭之恨