再一次愛上沒有放下的舊情人: 十六

「呀成，點解美國隊長咁型既」女人就係咁，成日睇咩戲都會問埋曬一大堆問題

大至蟲洞既形成，小至隻貓點解伸懶腰，總知諗得出既問題佢都可以問一餐

我一於少理，繼續睇復仇者聯盟

講真，依套電影既特技真係好好，再加上我鍾情於英雄類型電影，但對於我身邊既Karen，佢只不過係陪我或者因為睇靚仔先會坐定定係到睇

「其實咪睇過囉，點解又要再睇多次既...」





依啲問題真係好港女，做過就唔可以再做既咩，正如你食過飯都會再食一次啦

「因為...因為好睇囉」

睇完之好，我見Karen隻眼已經跌曬落黎，我亦都陪佢熄燈訓

諗番起，三日就同番一個舊情人一齊，其實真係好奇怪好唔真實

我唔敢講，我係咪真係了解係我眼前既佢，佢係咪我認識既佢





而佢又係咪真係了解我，雖然我真係仲愛佢但我一下子真係接受唔到

見都夜，我都爭取時間訓教，免得聽日無心機做野

正當我訓落去個下，我見到Karen部電話著左，我一望，原來係一個叫Leo既人搵佢，問佢最近點

咁作為女人，其實有朋友都唔出奇既，咁我不以為然咁就繼續去訓

第二朝，一早起身，眼望身邊既Karen依然在夢中，我就煮好早餐等佢起身叮番熱黎食，然後寫定張紙仔通知佢





係搭車番去既途中，我一到諗夜晚搵佢個個Leo到低係何方神聖，但係我腦海中卻無依個人既記憶

正當我想得入神時，電話聲響起來

「喂呀Wing，搵我咩事」我比平時更好聲好氣地說

因為平時朝早如非必要，公司既同事都唔會打比我

「成你快啲番公司呀，有大件事呀」

又點呀！！！！

「好」我講完就極速收線，落車跑番公司