再一次愛上沒有放下的舊情人: 四

「唔該一個女王漢堡，加大，飲可樂走冰，外賣」Karen向收銀員

「你食咩呀成？」

「比個朱古力新地多醬走花生，拎走」依樣野，其實都係佢想食，特登叫比佢，佢見到我幫佢埋，有點出奇，一言不發咁望住我

「做咩呀，我塊面有野咩？」

「無呀，只係你以前好小食朱古力新地，你買比我架？」





Karen似乎期待住我既答案，咁我都好識做咁哄下佢

「係呀，特登買比你架」

Karen聽完無出聲，但以佢滿足既表情同埋容易滿足既性格相信已經可以令佢開心一晚

數分鐘之後，所有野食到齊，佢急不及待拉撓住我隻手離開

一路上，我地都無咩謂野，只係好享受依段寧靜既路程，只屬於我同Karen既時間





「你記唔記得依棵樹呀？」Karen說，佢望住既一棵樹係我同佢第一次去完街，送佢番屋企，途中坐低休息既地方

我記得當時我係咁樣講：傻瓜，係我心目中，棵樹就好似你咁，係我心目中係獨一無二，任何事都唔會取代

講完佢低著頭，雖然見唔到佢個樣，但我估到佢怕羞到唔敢望我，我抬起佢個頭，然後吻下去...

「喂喂，發咩呆呀你」Karen將我拉番去現實

「無呀，諗緊我地第一次約會既情境呀」其實我份人唔係好識講大話，有咩都好易講比人知





「唉呀，快啲行啦，我好肚餓呀」

「得啦為食貓」順帶一提，我初戀係一個好為食既人，唔知點解同我一齊既回憶，佢都係食住野

唔經唔覺，行到去屋企留下，我放慢腳步，示意話佢知已經到

屋企唔算話太大，只係普通400呎既單位，相比佢屋企簡直差好遠，我將鎖匙銀包放係飯檯

「我換衫先啦，你肚餓係野先啦」我習慣番到屋企一定換左衫先

「知道」其實佢一入屋就已經拎曬所有野食出黎，基本上無理會我做緊咩

我換完衫出黎，除左一路上佢已經食左已新地之外，其餘食物都無掂過

「做咩唔食呀傻妹？」我問





「無呀等埋你先食嘛，咁先尊重人」的確，係我地既社會入面，好耐已經無等齊人先食飯依樣野，又或者係我一個人生活得太耐忘記左

「好，開餐」Karen大笑著說