再一次愛上沒有放下的舊情人: 三

「喂Karen呀，你係邊呀」我說

「我係天水圍呀，本來想係你屋企樓下等你，但我唔知你原來搬左出去住，岩岩打比伯母先知道」

的確，以前同佢既關已經去到見曬家長又上過屋企，仲記得個陣見佢屋企人，佢屋企人完全睇我地唔起

之後搞到不歡而散，雖然事後Karen代佢屋企人道歉，但我依然無忘記到點樣比人羞辱

「咁我依家趕過黎啦，你係天水圍西鐵站A出口等我啦」





搭車既途中，路過圓圈K便利店，記起以往每次拍拖出街，我身上點會錢都好都會買朱古力比佢食

我係貨架拎左盒麥提沙，比完錢就去搭車

一路上，我都諗起好多同佢既回憶，好似去平時去沙灘啦，我生日既時候佢上我屋企煮蜜糖雞翼比我食

好多大時大節都唔出街，因為無論去邊都好，都一定得個逼字，所以多數都係去對方屋企煮下飯仔，食住野睇周未大電影

畢左業都成五年幾，但原來我係無放低過佢，到低我愛既係佢個人，定係愛同佢一齊，互相依靠既回憶





即使咁多年，我以為答案好肯定，係因為我愛佢，但我依家竟然唔肯定，我對自己既答案有左質疑

諗到依到，我又會諗，到低點解我會咁快就應承比佢上黎我屋企，依個人，係咪我認識既Karen？

依個時候，耳筒傳來一段小小音樂：「... 明明誰人前夜還是我的，為何回頭猶像從未結識...」

即使依刻有好多問號，但唔到我去煩，唔到我去諗，因為已經到站啦

一如平常咁，我落車，腳下係我最熟悉既天水圍站，所有野都係我了解既，但我偏偏要係依個地方去接觸一個五年無見既舊情人





「你係邊呢」電話接通後我說

「我係你後面呀」Karen說

我望轉頭，見到既係我熟悉既面孔，我既前度。雖然望落去大個左好多，身材好左，但依然係笑起上黎隻眼得一條線既女仔

「你咁耐架，我等左你好耐啦」Karen嘟住嘴講

「仲好講，我今日掛住同你傾電話搞到番工遲到，怩老闆罰開OT呀」

「嘻嘻，對唔住啦，知你辛苦啦，你食左野未呀」Karen故意轉移話題

「未呀，你肚餓食住朱古力先啦，麥提沙，你至愛」我拎出朱古力並說

「你仲記得我我鐘意食依隻朱古力，多謝你呀」





「傻瓜，我緊係記得啦，以前所有野我都記得」

「嘻，去食野，我要食...M字快餐店既女王漢堡」Karen開心地先行

從佢既背影睇，佢就好似五年前一樣，一樣咁傻，無變過，可能變既只係我，變得唔重視佢，變得唔再信任佢