毒撚響補習社夢遺: 1.02

1.02
 
 
我發左個夢，個夢好真實
 
夢女面有個女仔挨住我手臂同我坐響摩天輪
 
只係個女仔個樣好濛，我睇唔清楚佢個樣
 
「我覺得我好幸福，好想永遠都咁幸福」女仔天真地講。




 
轉眼間又轉左場景，我地而家響太古城商場入面，我同個女仔潘緊冰
 
「睇下你追唔追到我」女仔講
「緊係追到啦！」我答返佢
「我以前溜冰冠軍黎架，睇你點追！」俏皮地說
 
跟住我地又已經響百德新街間aeon 12元店裡面
 
「你睇下呢舊野幾得意！」女仔向住我講




「都唔知咩野黎既。」我回應
「哈哈，白痴仔，呢舊野係用黎按摩塊面架！」
 
突然去左個有草皮既地方，原來係維園
 
「出年要升中五勒，好快就考dse，我地升唔升到大學架？」女仔有d擔憂
「我地要一齊升大學呀！」
 
震時我地已經身處一間餐廳
 




「叫唔叫埋甜品好，但要加錢wo！」女生煩惱中
「我地叫1份一齊share咪得囉！」我笑笑口答返佢
 
夢裡面每個場境都好真實，真實到好似發生緊／發生過咁，但同時間心裡面有一種撕裂感，好難受，真係好難受
 
「我地一陣早d去周sir補習社度搵位，等我地可以坐埋一齊！」女仔好著急咁提醒我
 
周sir？補習？　係wo我而家應該補緊習，頭先飲左杯咖啡，然後太眼訓訓著左！快d起身先！
 
….
 
………
 
…………..
 




…………………..
 
「因為發生特殊情況，我宣佈腰斬呢堂，大家快d逃亡！我走先勒，拜拜！」
 
E…呢把咪周sir把聲黎既？
 
「走勒快d」 「好腥呀咩野黎架」　「走啦仲問」　「呢d係咪精味黎架」
班房好嘈，我終於比嘈雜既聲音整醒左
 
……..
 
………………
 
………………………..
 




……………………………………..
 
之後發生咩野事相信大家都知，就係我訓到夢遺都唔知，直到阿sir叫人疏散同埋d人議論紛紛先開始慢慢醒
 
 
 
起身後除左見到好多人爭相逃亡開，仲見到我身邊果2個女仔唔知係咪因為太多人想走又走唔到，所以仲坐左響度
 
佢地見到我起身，就用一d好厭惡既眼神望住我
呢刻既我覺得我人生一切都完勒
 
明明上堂前隔離個病態女請我飲咖啡，可能其實佢對我有意思，想同我做朋友，所以就用d咁既招（雖然我都相信係我ff得太美好，佢應該真係純粹唔想哂左杯野飲）
 
點知而家一個夢遺就攪到我乜野形象都冇哂勒
 




仲要響全班面前度夢遺
 
我諗以後所有補習班既同學都會當我係變態佬、痴漢，會覺得我好o惡心好污糟
 
最慘係我為左有優惠，果時一交就交足1年學費，即係我想唔再黎補習都唔得啦
 
愈諗愈灰，不過低處未算低，突然聽到有人同我講
 
「你好變態呀，上堂夢遺都有既！」之前請我飲咖啡既病態女一副厭惡既表情同我講
 
冇勒冇勒，我連響女神面前僅有既形象都冇埋，就算想做兵都唔得勒
 
「小綠，佢肯定係發緊春夢啦頭先」我右手邊果個大波妹襲嘉欣搭咀。
 
原來病態女叫做小綠…個名好好聽




 
我已經唔識比咩野反應，只係有種百口莫辯既感覺
 
頭先發果個應該唔算係春夢，感覺真係好真實，只係總係有種若有所失既感覺，就好似比人掏空左心裡面最重要既野一樣，究竟點解會咁？
 
至於點解會夢遺，我真係解釋唔到；反而係夢醒時既失落感令到我覺得好難過，所以眼框已經濕濕地，唔通我內分泌失調，想喊但變左射精？
 
夢入面果個女仔又係邊個黎？我明明咁大個仔都未怕過拖，點解個夢咁真實？
 
而家唔係深究呢d野既時候，都係快d解決左面前既困局先！
 
柒雖然係染左，無啦啦補補下習夢遺實比人笑成世，但都要諗下而家應該要點做先。