超靈視雜誌社: 四章－真性異言靈（８）

「就算俾你搵到藍弦玥，你會將佢交嗰班人咩？」
 
紡瑩的問題一語中的。當然我是不願意把弦玥交給黑衣人的集團，但我沒有回答，只是繼續吃午飯。畢竟我已經有一段時間沒有吃和喝，因此女王和紡瑩找回我之後首先帶我來到附近的快餐店邊吃邊談。
 
「如果阿翔你唔交出藍弦玥，嗰班人就唔會救你，到最後你都係會死啊。」紡瑩說：「同埋究竟佢地同你打左咩針？點解會有啲咁既效果？阿翔你不如去醫院檢查一下？」
 
「嗰樣野大概係用黎殺死靈魂既藥。」女王說：「因為翔既例子比較特殊，翔既身體入面保留左少量另外一個人格既記憶。所以只要殺死『樂介翔』呢個主人格既話，另一個人格就會取代成為主人格。」
 
「咁可以點做？」紡瑩問。
 




「我可以準備到解藥，但後日星期三就係期限，未必可以趕得切。」
 
接著女王就離開了快餐店，好像要準備什麼似的。雖然也不是現在才有的事，但女王的行蹤確實很神秘。
 
「如果霜姐姐可以搵到解藥就好喇。」
 
「嗯，係就好……」
 
「點解阿翔你好似無心裝載咁架，性命尤關啊！」
 




「我只係諗緊我地有啲咩可以做得到，始終唔可以剩係靠霜姐。」我說：「或者我地可以嘗試搵多一次弦玥，如果搵到既話至少可以多一個同黑衣人交涉既籌碼；就算搵唔到弦玥，我都有佢地想要既量子電腦。黑衣人好似冇發覺原來弦玥俾我既戒指就係佢地想要既野。」
 
「但係可以點搵藍弦玥呢？先講明唔準再做埋啲咁危險既事架喇！」
 
「唯有用最簡單直接既方法……用自己雙腳去搵。既然一早鎖定左『幽靈人』佢地曾經將人捉走到八仙嶺同船灣一帶荒廢左既山村，我地可以遂條村咁搵，冇理由搵唔到。」
 
「不過範圍咁大，如果可以收窄一啲就好。」紡瑩從手袋拿出了平板電腦，「我地可以睇返之前失蹤過既人係邊度搵返，大概可以鎖定到一啲地區會比較大可能性。」
 
「仲要搵下嗰邊有啲咩荒廢左既山村。」我思考著，「同埋可以帶埋 Charles 去睇下，可能佢會有返一啲記憶都唔定。」
 




「咁今日先做資料搜集啦，搵出最可疑既地區然後聽日親身去遂條村度搵。」紡瑩補充說：「同埋而家已經好晏，入夜既話行山會好危險，你千祈唔可以一個人偷偷地咁走去搵啊！」
 
「我好似完全冇晒信用呢。」我苦笑說。
 
「完全冇！」
 
 
和紡瑩分開後，我便打電話給 Charles。
 
「喂，Charles，今次肯開電話喇咩。」
 
「又係你樂介翔。你搵我有咩事呀？我而家好忙啊。」
 
「唔好成日掛住打機，得閒做啲健康啲既野啦。」
 




「再唔講做咩我收線架喇。」Charles 顯得十分不耐煩。
 
「我地去行山──」
 
嘟──嘟──嘟──
 
這個人沒救了。我再打電話給 Charles。
 
「你再收我線既話你會後悔一世。」我先警告 Charles。
 
「所以你想點啊。」
 
「係上次個女仔想約我地一齊去行山架。你仲記唔記得談紡瑩？」
 
「喔！幾時？」




 
這隻單細胞生物又上釣了，實在對有點罪惡感。對不起呢，紡瑩。
 
「聽朝七點，大埔墟火車站等。」
 
「七點！呢個世界有七點架咩？你唔好再早啲！」
 
「紡瑩係一個好注重健康既女仔黎架。我勸你你今晚就早啲瞓喇，聽朝一定會好辛苦。」
 
「好啦好啦，七點就七點。」
 
說實在自從中學畢業之後我也很久沒有行山了。看來要早一點搜集好資料然後睡覺。
 
星期三就要交出弦玥，要找到她就只有明天這一次機會，如果說不緊張的話只是騙人。但我相信只要把眼前計劃好的事情都做好就沒有問題，之後的再擔心也是沒有作用。