超靈視雜誌社: 四章－真性異言靈（７）

我被黑衣人捉走至今已經過了大半天。我的手腳依然被綁住，而黑衣人把我關進一個貨櫃之後就再沒有出現過，好像正在等待著什麼似的。
 
如果我的推測正確，這個野外的棄置貨櫃場，應該是那群用靈魂複製出來的人的據點。不知道弦玥是否也被禁錮在這裡？
 
我望一下自己的鞋子，看來收藏在鞋墊內的定位器大概沒有問題，現在它理應每隔半小時就會用短信把位置發送到連接我手提電腦的電話。而該手提電腦和電話我暫時收在雜誌社的某個角落，明天只要女王她們收到我寄給她們的信就可以找到我的電腦，知道我現在的所在地。
 
我整個計劃就是用自己做誘餌去釣出對方的據點。雖然這樣做有一點冒險，但我想那些黑衣人應該不至於要殺死我吧。本來打算在女王找到我之前打聽一下弦玥的下落，但現在被關在貨櫃內什麼都做不到呢。剩下來只能夠胡思亂想，究竟這裡是什麼地方？黑衣人捉我來有什麼目的？他們正在複製自己的同類嗎？
 
就在這時候，貨櫃的門打開了。兩個黑衣人把我押送到外面的小屋。我看見小屋的正中央坐著一位陌生的男人，似乎是這地方的話事人。
 




「你就係樂介翔？睇黎都只係普通人一個。」陌生男子說。
 
「相比起你地鐘意綁架人黎講，我的確只係一個普通人。」
 
「哈，我諗你有啲誤會，唔好講到我地好似十惡不赦既壞人咁。」
 
「唔好係度扮野喇！我知道係你地既身份，同埋你地仲捉走左一個女仔係唔係？」
 
「哦？個女仔叫咩名？」
 




「藍弦玥！」
 
陌生男子聽到我的回答後，不禁大笑起來，說：「果然你係誤會左一啲野。藍弦玥既話我地都想捉到佢，但可惜冇人知道佢係邊。」
 
咦？弦玥成功逃脫了嗎？
 
我問：「點解你地想捉走藍弦玥？係藍社長既分身命令你地咁做？」
 
「哈哈，就憑區區一個『幽靈人』就可以命令到我？唔好將呢啲劣等生物同我混為一談。」
 




「『幽靈人』？你指係用靈魂複製出黎既人？如果你地唔係『幽靈人』既話又係邊個？」
 
「你真係多問題，不過我冇義務要答你。」
 
「你、你想點？」我問陌生男人。
 
「我地捉你黎既目的只有一個，就係需要你身體入面另一個人既記憶。我地需要佢黎解讀用凱米薩米語寫成既研究資料。所以其實樂介翔本身呢個人對我地一啲用都冇。」
 
陌生男子拿出了一枝針筒，我的直覺告訴我如果被那針筒刺到，樂介翔這個人可能就會從此消失。雖然最初以為他們不會殺掉我，不過看來我是太過愚蠢了。
 
因為我的雙腳被綁起來，我只能拼命的往後跳。但在場的其他黑衣人一看見我想逃跑，便立刻把我捉住不讓我掙扎。
 
陌生男子舉起針筒，正要刺向我的手臂。這樣下去就死定了，因為我對他們沒有存在價值所以死不足惜，真的是這樣嗎？
 
「咪住！你聽我講！你而家要整死我，咁樣對你地冇好處！」




 
我嘗試作出最後的掙扎，而陌生男子聽到我這樣說之後暫時停了手。他問：
 
「你咁講係咩意思？」
 
「我……我對你地仲有用！」
 
「有咩用？」
 
「你地唔係想搵藍弦玥咩？我有佢既線索可以幫你地搵到佢！」
 
陌生男子放下了針筒，稍為考慮了一會後便告訴我：
 
「三日。我俾你三日時間，如果你搵唔到藍弦玥出黎，樂介翔就要消失。」
 




陌生男子拿起了另一支針筒把藥水注入原先的針筒，再拿起混合了兩種藥水的針筒刺進我的手臂上──一顆血珠從傷口滲出，就像是在我生命的契約上簽上限期一樣。
 
陌生男子續說：「你打左呢支針之後，如果三日後唔返黎搵我既話，樂介翔呢個人就會永遠從呢個世界上消失。你自己好自為之。」
 
我全身虛脫跌倒在地上。陌生男子和黑衣人沒有再理會我，慢慢步出了小屋。
 
「喂！咪走住，你地至少幫我解綁啊！」
 
陌生男子回答：「你既同伴唔係會黎救你咩？你唔好以為我唔知道你做過咩，我地無時無刻都可以監察住你。」
 
「咁……你至少講俾我知，點解你地要搵藍弦玥？如果我知道更多關於佢既事，我可以容易啲搵到佢。」
 
「因為佢背叛左我地，將研究成果偷走。如果唔係佢偷走左量子電腦，幽靈人就唔會好似而家咁失控。」陌生男子說：「叛徒係應該要受到懲罰。」
 
「所以你搵到藍弦玥既話，會殺死佢？」




 
「死唔係盡頭，呢個世界上好多野可以比起死更加可怕。」
 
陌生男子最後也離開，把我遺留在小屋內。到了星期一女王她們來到的時候，棄置貨櫃場已經完全沒有黑衣人的痕跡。
 
 
──距離找到藍弦玥的限期只剩下兩天。
 
──距離９月２８日還有不足兩星期。