超靈視雜誌社: 二章－靈魂証人（８）
我離開的士，走到慈愛醫院的正門前。看一下手錶，已經是凌晨兩點左右。回想起來，上一次也是在這個時間去找弦玥的。
「你知唔知道，係日本傳統信仰裡面，丑時三刻係草木皆眠、百鬼夜行既時間？一個人係好危險架。」
我望向旁邊，原來紡瑩一早就坐在正門前，一邊吃零食一邊等著我。
「蠢材阿翔，你所有既諗法已經俾聰慧既紡瑩睇穿晒喇。」
「妳咁夜仲食零食，小心肥啊。」
「唔食多啲野點保護到你喎，行啦。你去邊我都會跟住架喇，我地係 partner 黎架。」
雖然我沒有回應她，但聽到她這樣說其實我的心裡面很高興。
走進醫院後，我到處問其他人 Dr Wong 在哪裡。還好我有在酒吧拍了他和李俊旭的照片，其中一位護士告訴我，她看見 Dr Wong 和一個女人到了北翼大樓那裡。
「個女人係唔係高高地瘦瘦地，長頭髮，同埋可能戴太陽眼鏡？」
「係啊。」
──Samantha！
不過當我來到北翼大樓，發現這裡大部分的門都是上了鎖，只限職員進入。
「阿翔，而家點算好？」
我嘆了一口氣，右手不自覺地摸著左手的戒指，然後戒指就發光了。同一時間，身旁的門突然自動解鎖並打開著。
我和紡瑩四目交投，大家都期待著對方先說話。
這裡還是由我打破沉默吧。
「冇事既……而家最新科技既自動門黎啫。」
我帶頭走進裡面，用手機照明，然後沿著樓梯一直往下走；走到盡頭看見一度鐵門擋在前方，看起來是沒有上鎖。
我回頭望了紡瑩一眼，然後把門推開──
門後面是血淋淋的畫面。
在微弱的燈光下，Samantha 倒在地上流了很多血。而 Dr Wong 則拿著一把沾滿血的短刀，面目猙獰，簡直是惡魔的化身。
紡瑩看見這個場面，嚇得跌在地上大叫。
Dr Wong 看見我們，便說：
「仲以為係佢地，原來係你地兩個……我地好似係幾個鐘頭前見過面？」
「你……殺死左 Samantha？」
「係又點？呢種女人都係抵死。上次佢死唔去，而家我幫李俊旭報仇。」
「果然係你同李俊旭想殺死 Samantha。」
「嘿，不過本身對於我黎講，佢地邊個死都冇所謂。佢地都係內心醜陋既人，我只係要佢地既靈魂就得。」
「你講咩……你痴左線！」
「你知唔知道人最寶貴既係咩？係靈魂。靈魂擁有難以致信既能量，只要可以掌握到呢種能量，我就係超越生命既存在！」Dr Wong 張開雙手說：「不過靈魂既能量太過精緻，太過難去操控……直至我遇到佢地，佢地話俾我聽，一個靈魂裡面越複雜，越係充滿仇恨、憤怒、絕望……靈魂既力量就會越強大，越容易控制。於是我不斷收集呢種靈魂，就算死幾多人都冇所謂，死既人都係抵死！哈哈哈。」
不可理喻，這個人已經沒有人性了。
「不過你地知道得太多野喇……所以你地都係要死。」
「你……你係醫院裡面隨便殺人，冇可能走得甩。」
「唔駛擔心，自然會有人幫我善後，就好似李俊旭死左之後自己識返屋企一樣，嘿嘿嘿。」
──突然，他像一頭猛獸從漆黑中向我衝過來，用身體撞開我。我嘗試用雙手檔住，但他的力氣彷彿已經超越了人類，無情地把我撞飛到數米外。
他打量著坐在地上顫抖的紡瑩，然後笑著說：「首先殺左呢個女仔，等你嘗試一下絕望既滋味，然後再殺死你。」
不知道因為光線問題還是我的血把視線擋住，我眼前的影像越來越昏暗。
我好想去救紡瑩，但我沒有能力去救她。
黑暗中，只見刀鋒反射著的光，下一秒，大概是我最不願意看見的事情。
──一道閃電從我的頭頂掠過，然後聽到野獸的慘叫聲，最後一切都靜止下來。
「對唔住，大姐姐黎遲左。」
我抬頭說：「霜姐……」
「而家咩都唔好問，你帶紡瑩走先。去醫院門口等我。」
「妳頭先……殺死左佢？」
「只係電槍，我唔想整污穢自己對手。之後既事就交俾警察處理，我地唔駛插手。」
我小心翼翼地扶起受驚過度的紡瑩，然後爬樓梯慢慢離開這個瘋狂的地方。
我和紡瑩來到醫院門前，找了一張長椅坐著。紡瑩雖然沒有受傷，但看起來十分脆弱，像初生的小貓一樣。
我好想去安慰她，但我不知道可以說什麼。
於是我打算伸手把她抱入懷裡，不過當我這樣做的時候，一架酒紅色的跑車高速地駛到我們旁邊。
BMW F80 M3，是女王的愛車。
「少年少女，做乜咁愁眉苦臉呀？上車啦。」
「霜姐調整心情既速度真係快過小明……」
「嘻，因為佢係霜姐姐嘛。」
我們上車後，女王一直都在聊其他話題，明顯刻意迴避剛才發生的事情。
她先送了紡瑩回家，然後問我：「係唔係返宿舍？」
「咁夜唔返喇……費事麻煩。」
「我唔會俾你上黎我屋企架喎。」
「妳車我返雜誌社就得。」
女王沒有回應，只是奇怪地微笑著。
來到雜誌社樓下，下車的時候，她拉下玻璃窗並把一份文件交給我。
「呢疊紙可能就係你想要既最後一塊拼圖。你有時間就睇下啦。」
女王沒有解釋，酒紅色的跑車揚長而去。